ఎన్టీఆర్ డ్రాగన్‌లో స్పెషల్ సాంగ్.. ఈ క్రేజీ బ్యూటీతో మాస్ అట్రాక్షన్ గ్యారంటీ!

టాలీవుడ్‌లో ఎన్టీఆర్ అంటేనే ఓ బ్రాండ్. మాస్ ప్రేక్షకుల్లో తనదైన ఇమేజ్, పవర్‌ఫుల్ డైలాగ్ డెలివరీ, డాన్స్ స్కిల్స్, పర్ఫామెన్స్ రేంజ్‌కి ఆయనకి ప్రత్యేకమైన ఫ్యాన్ బేస్ ఉంది. తాత నందమూరి తారక రామారావు వారసుడిగా సినీ ఇండస్ట్రీలో అడుగుపెట్టిన ఎన్టీఆర్, ఇప్పుడు తెలుగు సినిమాని పాన్ ఇండియా స్థాయికి తీసుకెళ్లే స్టార్‌లలో ముందు వరుసలో ఉన్నాడు.

తాజాగా దేవర సినిమాతో మంచి విజయాన్ని అందుకున్న యంగ్ టైగర్ ఎన్టీఆర్(NTR) ప్రస్తుతం వార్ 2 అలాగే డ్రాగన్ రెండు భారీ ప్రాజెక్ట్స్‌తో బిజీగా ఉన్నాడు. బాలీవుడ్‌లో హృతిక్ రోషన్‌తో కలిసి నటిస్తున్న వార్ 2 యాక్షన్ ఎంటర్టైనర్‌గా తెరకెక్కుతోంది. ఈ సినిమాలో తారక్ నెగటివ్ షేడ్స్ ఉన్న పాత్రలో కనిపించనున్నాడన్న వార్తలు హల్‌చల్ చేస్తున్నాయి.

ఇక మరోవైపు, కేజీఎఫ్, సలార్ సినిమాలతో సెన్సేషన్ క్రియేట్ చేసిన దర్శకుడు ప్రశాంత్ నీల్ తెరకెక్కిస్తున్న డ్రాగన్(Dragon) మూవీ షూటింగ్ కూడా ఇటీవలే మొదలైంది. ఇది కూడా ఓ మాస్ యాక్షన్ ఎంటర్‌టైనర్‌గా రూపొందుతోంది. ఈ సినిమాలో తారక్ ఎంతో డిఫరెంట్ లుక్‌లో దర్శనమివ్వనున్నాడని సమాచారం. దీంతో ఈ సినిమాపై భారీ అంచనాలు నెలకొన్నాయి.

ఈ సినిమాలో ఒక స్పెషల్ సాంగ్ కూడా ఉండనుందని సమాచారం. ఈ పాటలో తారక్‌కు జోడీగా ఓ క్రేజీ బ్యూటీ స్టెప్పులు వేయనున్నట్టు టాలీవుడ్ టాక్. ఈ ముద్దుగుమ్మ ఎవరో కాదు… తాజాగా యువతను ఆకట్టుకుంటున్న కేతిక శర్మ(Ketika Sharma). ఈ క్రేజీ బ్యూటీ తన కెరీర్‌ను రొమాంటిక్ సినిమాతో ప్రారంభించింది. తర్వాత కొన్ని సినిమాల్లో నటించినా, పెద్దగా గుర్తింపు రాలేదు. అయితే ఇటీవల నితిన్ హీరోగా నటించిన రాబిన్ హుడ్లో ఆమె చేసిన స్పెషల్ సాంగ్ ప్రేక్షకులను ఆకట్టుకుంది. ఆ పాటకు మంచి రెస్పాన్స్ రావడంతో, ఇప్పుడు ఎన్టీఆర్‌తో డ్రాగన్ సినిమాలో స్పెషల్ సాంగ్ చేయనుందనే ప్రచారం జరుగుతోంది. అయితే ఈ వార్తలపై అధికారిక ప్రకటన వచ్చే వరకు అభిమానులకు ఎదురుచూడాల్సిందే.