ముగ్గురు అక్కా చెల్లెళ్ళతో రొమాన్స్ చేసిన చిరంజీవి.. టాలీవుడ్‌లో ఈ ఛాన్స్ మరెవ్వరికీ దక్కలేదండోయ్

తెలుగు సినిమా ఇండస్ట్రీలో ప్రత్యేక స్థానం సంపాదించుకున్నారు మెగాస్టార్ చిరంజీవి(Chiranjeevi). పలు సూపర్ హిట్ సినిమాలతో తెలుగు ప్రేక్షకుల గుండెల్లో గూడు కట్టుకున్న చిరంజీవి.. తన సినీ జీవితంలో ఎంతో కష్టపడి ఎదిగారు. పట్టుదలతో, అంచలంచలుగా ఎదుగుతూ టాప్ స్టార్ హీరో అయ్యారు. ఎన్నో గుర్తుండిపోయే పాత్రలను పోషించారు. 150 సినిమాలకు పైగా నటించిన ఆయన ఎందరో హీరోయిన్లతో జత కట్టారు.

తన 45 ఏళ్ల సినీ ప్రస్థానంలో చిరంజీవి నలభైకి పైగా హీరోయిన్లతో స్క్రీన్‌ షేర్ చేశారు. ముక్యంగా అయన సినీ కెరీర్ లో ముగ్గురు అక్కాచెల్లెళ్లతో నటించిన ఏకైక టాలీవుడ్ హీరో అనిపించుకున్నారు. అంతేకాదు ఆ ముగ్గురు అక్కా చెల్లెళ్ళతో నటించి అందరితో సూపర్ హిట్స్ కొట్టారు. ఇంతకీ ఆ ముగ్గురు అక్కా చెల్లెళ్ళు ఎవరు? వారితో నటించిన చిత్రాలేంటో చూద్దాం.

నగ్మా – ఘరానా మొగుడు తలుపు తట్టిన హిట్

చిరంజీవి, నగ్మా జంటగా నటించిన ఘరానా మొగుడు (1992) సినిమా ఇండస్ట్రీ హిట్‌గా నిలిచింది. ఈ చిత్రం తెలుగులో తొలిసారిగా ₹10 కోట్ల షేర్ వసూలు చేసిన సినిమాగా రికార్డు సృష్టించింది. ఆ తర్వాత రిక్షావోడు, ముగ్గురు మొనగాళ్లు వంటి చిత్రాల్లో కూడా వీరి కాంబినేషన్ ఆకట్టుకుంది.

జ్యోతిక ,ఠాగూర్‌తో మెరిసిన జోడీ

నగ్మా చెల్లెలైన జ్యోతిక చిరంజీవితో కలిసి ఠాగూర్ (2003) సినిమాలో నటించింది. వివి వినాయక్ దర్శకత్వం వహించిన ఈ చిత్రం ఓ మిలిటెంట్ సోషల్ డ్రామాగా నిలిచింది. శ్రీయ, జ్యోతిక గ్లామర్, చిరంజీవి మాస్ యాటిట్యూడ్ – రెండూ కలసి బాక్సాఫీస్‌ వద్ద భారీ విజయాన్ని అందించాయి.

రోషిని – మాస్టర్ మూవీలో చిరంజీవితో

నగ్మా, జ్యోతికల మూడవ సోదరి రోషిని చిరంజీవితో కలిసి మాస్టర్ (1997) సినిమాలో నటించింది. ఈ సినిమా విద్యార్థుల జీవితానికి దగ్గరగా ఉండే కథతో ప్రేక్షకులను ఆకట్టుకుంది. అంతేగాక, రోషిని తర్వాత పవిత్ర ప్రేమ, శుభలేఖలు వంటి తెలుగు చిత్రాల్లో నటించినా, ఎక్కువ కాలం ఇండస్ట్రీలో కొనసాగలేకపోయింది.

చిరంజీవి కెరీర్‌లో ఎన్నో విశేషాలు ఉన్నా, ముగ్గురు అక్కాచెల్లెళ్లతో నటించిన ఈ అరుదైన ఫీటు మాత్రం అభిమానులను ఆశ్చర్యానికి గురిచేసే అంశమే. నటనా నైపుణ్యం, కెమిస్ట్రీ, స్క్రీన్ ప్రెజెన్స్ – అన్నిటినీ కలగలిపి మెగాస్టార్ ఈ చిత్రాల్లోనూ తన మేజిక్ చూపించారు.