Desk
ఇండియన్ సినీ చరిత్రలో రికార్డు స్థాయి వసూళ్లతో ప్రభంజనం సృష్టించిన మూవీ ‘దంగల్(Dangal)’. ఆమిర్ ఖాన్(Amir Khan) నటించిన ఈ సినిమా 2016లో మన దేశంలోనే కాకుండా ప్రపంచవ్యాప్తంగా సినీ ప్రేమికులను ఆకట్టుకున్నప్పటికీ, దాయాది దేశం పాకిస్థాన్(Pakistan)లో మాత్రం విడుదలకు నోచుకోలేదు. ఈ విషయంపై పాకిస్థాన్ పంజాబ్ ప్రావిన్స్ సీనియర్ మంత్రి, మాజీ సమాచార శాఖ మంత్రి మరియం రంగజేబ్(Marriyum Aurangzeb) తాజాగా స్పందించారు. అప్పట్లో ఆ సినిమాను నిషేధించడం పట్ల ఆమె తీవ్ర పశ్చాత్తాపాన్ని(Repentance) వ్యక్తం చేశారు.
నేను తీసుకున్న అత్యంత విచారకరమైన నిర్ణయాల్లో ఒకటి
ఓ పాడ్‌కాస్ట్‌(Podcast)లో మాట్లాడుతూ మరియం ఔరంగజేబ్ కీలక వ్యాఖ్యలు చేశారు. తాను సమాచార శాఖ మంత్రిగా బాధ్యతలు చేపట్టిన తొలి రోజుల్లోనే ‘దంగల్(Dangal)’ సినిమా విడుదలైందని, అప్పుడు సెన్సార్ బోర్డు ప్రతినిధులు(Censor Board representatives), ఇతర అధికారులతో జరిగిన తొలి సమావేశంలోనే ఈ సినిమా ప్రస్తావనకు వచ్చిందని గుర్తు చేసుకున్నారు. “కొన్ని కారణాలను ఉటంకిస్తూ ‘దంగల్’ సినిమాను దేశంలో నిషేధించాలని అధికారులు నాకు సిఫార్సు చేశారు. నిజానికి అప్పటికీ నేను ఆ సినిమా చూడలేదు. అయినప్పటికీ, వారి సిఫార్సుకు ఆమోదముద్ర వేశాను. అది నా వృత్తి జీవితంలో తీసుకున్న అత్యంత విచారకరమైన నిర్ణయాల్లో ఒకటి” అని మరియం ఔరంగజేబ్ తెలిపారు.
“I regret banning Amir khan’s film , Dangal. I still carry this weight”. Said Senior Minister of Information and Technology Maryam Aurangzeb in a podcast with Actor and host Ahmad Ali Butt#ahmadalibutt #podcast #pakistan #maryamaurangzeb #pakistan #amirkhan #india #dangal
— Unfold Pakistan (@UnfoldPakistan1) June 26, 2025
బాలికలకు ఎంతో స్ఫూర్తినిచ్చే అద్భుతమైన చిత్రం
సుమారు ఏడాదిన్నర కాలం తర్వాత ‘దంగల్’ సినిమా చూసే అవకాశం తనకు లభించిందని, అప్పుడు తాను తీసుకున్న నిర్ణయం ఎంత పెద్ద తప్పో గ్రహించానని ఆమె అన్నారు. “ఆ సినిమా చూశాక నా అభిప్రాయం పూర్తిగా మారిపోయింది. ముఖ్యంగా బాలికల(Girls)కు, యువతులకు ఎంతో స్ఫూర్తినిచ్చే అద్భుతమైన చిత్రం అది. అలాంటి సినిమాను అడ్డుకోవడం సరైంది కాదనిపించింది” అని ఆమె తన ఆవేదనను పంచుకున్నారు.
admin
swarna boddula
