సైడ్ ఇన్‌కమ్ కోసం ప్రయత్నిస్తున్నారా? బెస్ట్ ఆప్షన్స్ ఇవే!

నేటి పోటీ ప్రపంచంలో ఆర్థిక భద్రత కోసం ఎక్కువ మంది ఉద్యోగం(Job) కాకుండా మరో ఆదాయన్నీ వెతుకుతున్నారు. ఖాళీ సమయాన్ని ఉపయోగించుకొని హాబీలను, నైపుణ్యాలను ఆదాయ వనరులుగా మార్చుకుంటున్నారు. ఇందు కోసం అనేక మంది సైడ్ ఇన్‌కమ్( Side Income ) అవకాశాలపై దృష్టి సారిస్తున్నారు. ఈ నేపథ్యంలో 2025లో అత్యుత్తమంగా భావించబడుతున్న కొన్ని సైడ్ హస్టల్స్‌ (side hustles) గురించి తెలుసుకుందాం.

ఆన్‌లైన్ ట్యూటరింగ్:

మీకు ఒక సబ్జెక్టుపై పట్టు ఉంటే ప్రపంచవ్యాప్తంగా విద్యార్థులకు బోధిస్తూ ఆదాయం పొందవచ్చు. చెగ్ (Chegg), ప్రెప్లీ (Preply), టాపర్ (Toppr) వంటి వేదికలు ఆన్‌లైన్ ట్యూటర్స్‌కు అవకాశాలు కల్పిస్తున్నాయి.

వర్చువల్ అసిస్టెంట్:

కంపెనీలకు ఈమెయిల్ మేనేజ్‌మెంట్, షెడ్యూలింగ్, సోషల్ మీడియా హ్యాండ్లింగ్ వంటి సహాయ పనుల్లో భాగమై ఆదాయం పొందవచ్చు. ఫైవర్ (Fiverr), అప్‌వర్క్ (Upwork) వంటి ప్లాట్‌ఫార్ములు వర్చువల్ అసిస్టెంట్ ఉద్యోగాలకు మద్దతిస్తాయి.

వెబ్ టెస్టింగ్:

కంపెనీల వెబ్‌సైట్స్ వినియోగదారుల అనుభవాన్ని పరీక్షించే పని వెబ్ టెస్టర్‌దే. యాప్‌సియారా (AppSierra), బగ్‌రాపర్ట్స్ (BugRapports) వంటివి అవకాశాలను కల్పిస్తున్నాయి.

డెలివరీ పార్టనర్:

జోమాటో, స్విగ్గీ, ఊబర్ ఈట్స్, జెప్టో వంటి సంస్థల్లో డెలివరీ పార్టనర్‌గా పని చేసి సులభంగా ఆదాయం పొందవచ్చు.

డాగ్ వాకింగ్:

పెంపుడు జంతువులకు వాకింగ్ సేవల కోసం డిమాండ్ పెరుగుతోంది. డాగ్ లవర్స్‌కి ఇది సరైన ఆదాయ మార్గం.

ఫోకస్ గ్రూప్ పార్టిసిపేషన్:

కంపెనీలు తమ ఉత్పత్తులపై ప్రజల అభిప్రాయాలను తెలుసుకునేందుకు ఫోకస్ గ్రూపులు ఏర్పాటు చేస్తాయి. వీటిలో పాల్గొనడం ద్వారా కూడా ఆదాయం పొందవచ్చు.

పర్సనల్ అసిస్టెంట్:

బిజీ ప్రొఫెషనల్స్‌కు షాపింగ్, షెడ్యూలింగ్ వంటి వ్యక్తిగత పనుల్లో సహాయం చేయడం ద్వారా ఆదాయం పొందవచ్చు.

బేబీసిట్టింగ్ & హౌస్ క్లీన్ Jobs:

కేర్ డాట్ కామ్, అర్బన్ సిట్టర్ వేదికల ద్వారా బేబీసిట్టర్ ఉద్యోగాలు పొందొచ్చు. అలాగే నో బ్రోకర్, అర్బన్ కంపెనీ వేదికల ద్వారా హౌస్ క్లీనింగ్ సేవలకు డిమాండ్ ఉంది.