Desk
2006 జులై 11న ముంబై సబర్బన్ రైల్వే నెట్‌వర్క్‌(Mumbai Suburban Railway Network)లో జరిగిన ఏడు బాంబు పేలుళ్లు భారతదేశంలోని అతిపెద్ద ఉగ్రవాద ఘటనల్లో ఒకటిగా నిలిచిన విషయం తెలిసిందే. ఈ దాడుల్లో 189 మంది మరణించగా, 800 మందికి పైగా గాయపడ్డారు. అయితే దాదాపు రెండు దశాబ్దాల క్రితం ముంబై (Mumbai)లో జరిగిన రైలు పేలుళ్ల ఘటన(Train bombing incident)లో బాంబే హైకోర్టు (Bombay High Court) సోమవారం సంచలన తీర్పు వెలువరించింది. ఈ కేసులో శిక్ష పడిన 12 మందిపై అభియోగాలను నిర్ధారించడంలో ప్రాసిక్యూషన్‌ విఫలమైన కారణంగా నిర్దోషులుగా తేల్చినట్లు తీర్పు వెలువరించింది. వీరిలో ఉరిశిక్ష పడిన ఖైదీలు కూడా ఉండటం గమనార్హం. ఆ పేలుళ్లలో 189 మంది ప్రాణాలు కోల్పోయారు.
సుదీర్ఘ దర్యాప్తు అనంతరం తీర్పు
ఈ ఘటనపై సుదీర్ఘ దర్యాప్తు అనంతరం 2015 అక్టోబరులో ప్రత్యేక కోర్టు.. 12 మంది నిందితులను దోషులుగా తేల్చింది. వీరిలో బాంబు అమర్చారన్న అభియోగాలపై ఐదుగురికి మరణశిక్ష, మిగతా ఏడుగురికి జీవతఖైదు(Life imprisonment) విధిస్తూ తీర్పు వెలువరించింది. దోషుల్లో కమల్‌ అన్సారీ(Kamal Ansari) అనే వ్యక్తి 2021లో కొవిడ్‌ కారణంగా నాగ్‌పుర్‌ జైల్లో మృతిచెందాడు. ప్రత్యేక కోర్టు ఇచ్చిన తీర్పుపై దోషులు హైకోర్టును ఆశ్రయించారు. వాటిని సవాల్‌ చేస్తూ మహారాష్ట్ర ప్రభుత్వం(MH Govt) కూడా పిటిషన్‌ దాఖలు చేసింది. 2015 నుంచి ఈ అంశం ఉన్నత న్యాయస్థానంలో పెండింగ్‌లో ఉంది. దీనిపై అనేక అభ్యర్థనల తర్వాత 2024 జులైలో రోజువారీ విచారణ నిమిత్తం ప్రత్యేక బెంచ్‌ను హైకోర్టు ఏర్పాటు చేసింది.
19 years after the horrific 2006 Mumbai train Terror blast; which killed 189 innocent citizens.
Kamal Ansari, Faisal Shaikh, Ehtesham Siddiqui, Naveed Khan, Asif Khan, Tanveer Ansari, Majid Shaikh, & all 12 accused got ACQUITTED.
Police and Judicial reform is the need of hour
— Sk Singhh बनारसी भगवाप्रेमी (@singhh_sk) July 21, 2025
swarna boddula
admin
