చిరంజీవితో స్టెప్పులేయనున్న బ్యూటీ.. విశ్వంభర స్పెషల్ సాంగ్

మెగాస్టార్ చిరంజీవి(Chiranjeevi) మరోసారి ప్రేక్షకులను తన పెర్ఫార్మెన్స్‌తో అలరించేందుకు సిద్ధమవుతున్నారు. ప్రస్తుతం ఆయన వరుస సినిమాల్లో బిజీగా ఉన్నారు. ఇప్పటికే విశ్వంభర సినిమా షూటింగ్‌లో పాల్గొంటున్న చిరు, ఇటీవలే దర్శకుడు అనిల్ రావిపూడితో మరో కొత్త ప్రాజెక్ట్‌ను ప్రారంభించారు.

విశ్వంభర( Vishwambhara) సినిమాకు దర్శకుడిగా వశిష్ట వ్యవహరిస్తున్నారు. ‘బింబిసార’ సినిమాతో హిట్ అందుకున్న ఆయన, ఇప్పుడు చిరుతో కలిసి ఈ భారీ సొషియో ఫాంటసీ యాక్షన్ అడ్వెంచర్ డ్రామాను తెరకెక్కిస్తున్నారు. ఈ చిత్రం సంక్రాంతి సందర్భంగా విడుదల కానుందని మేకర్స్ ఇప్పటికే ప్రకటించారు. దీంతో, షూటింగ్ పనులు వేగంగా కొనసాగుతున్నాయి.

ఇటీవల మేకర్స్ వరుసగా పోస్టర్లు విడుదల చేస్తూ సినిమాపై ఆసక్తిని పెంచుతున్నారు. తాజాగా విశ్వంభర షూటింగ్ చివరి దశకు చేరినట్లు సమాచారం. శుక్రవారం నుంచి ఫైనల్ షెడ్యూల్‌ ప్రారంభమైంది. ఇందులో భాగంగా ఓ స్పెషల్ సాంగ్‌ను చిత్రీకరిస్తున్నారు.

ఈ పాటకు ప్రముఖ కొరియోగ్రాఫర్ గణేష్ ఆచార్య స్టెప్పులు వేయిస్తున్నారు. సంగీత దర్శకుడు భీమ్స్ సిసిరోలియో దీనికి ఓ మాస్ డ్యాన్స్ నంబర్‌ను కంపోజ్ చేశారు. మేకర్స్ ఈ విషయాన్ని సోషల్ మీడియాలో పంచుకుంటూ, “విశ్వంభర చివరి షెడ్యూల్ ఓ అద్భుతమైన డ్యాన్స్ నంబర్‌తో ప్రారంభమైంది. మెగాస్టార్ చిరు స్టైల్‌, ఎనర్జీతో ప్రేక్షకులకు ఇది ఓ స్పెషల్ ట్రీట్ కానుంది,” అని పేర్కొన్నారు. ఈ సినిమాపై ఇప్పటికే భారీ అంచనాలు ఉన్నాయి. చిరంజీవి ఫ్యాన్స్‌, సినీ ప్రేక్షకులంతా విశ్వంభర రిలీజ్‌ కోసం ఎంతో ఆసక్తిగా ఎదురుచూస్తున్నారు.

#Vishwambhara begins its last schedule with an electrifying dance number ❤‍🔥

MEGASTAR @KChiruTweets‘s style and grace unleashed under the choreography of @Acharya1Ganesh Master for the mass beats by #BheemsCeciroleo 🔥

An absolute treat awaits the audience 💥💥

MEGA MASS… pic.twitter.com/um6fDFJ4gy

— UV Creations (@UV_Creations) July 25, 2025

ఇక తాజా అప్డేట్ ప్రకారం, విశ్వంభర సినిమాలోని స్పెషల్ సాంగ్‌లో మెగాస్టార్ చిరంజీవితో కలిసి బాలీవుడ్ బ్యూటీ మౌనీ రాయ్ స్టెప్పులేయనున్నట్లు సమాచారం. అయితే ఈ విషయాన్ని మేకర్స్ అధికారికంగా ప్రకటించలేదు.

‘నాగిని’ సీరియల్ ద్వారా భారీ గుర్తింపు తెచ్చుకున్న మౌనీ రాయ్, అనంతరం బాలీవుడ్‌లో అనేక చిత్రాల్లో నటించి మంచి పేరు తెచ్చుకుంది. అంతేకాకుండా, ‘కేజీఎఫ్: చాప్టర్ 1’లో స్పెషల్ సాంగ్‌ చేస్తూ సౌత్ ఆడియన్స్‌లో కూడా ఫేమ్ సంపాదించింది. ఇప్పుడు విశ్వంభరలో మెగాస్టార్ సరసన ఆమె కనిపించనున్నట్లు టాక్ వినిపిస్తోంది.ఈ జోడి స్క్రీన్‌పై కనువిందు చేయడం ఖాయం అని అభిమానులు ఆశిస్తున్నారు.