Desk
అక్కినేని నాగార్జున(Akkineni Nagarjuna) హీరోగా, రామ్ గోపాల్ వర్మ(Ram Gopal Varma) దర్శకత్వంలో 1989లో విడుదలైన కల్ట్ క్లాసిక్ చిత్రం ‘శివ(Shiva)’ మళ్లీ థియేటర్లలో సందడి చేయడానికి సిద్ధమవుతోంది. అన్నపూర్ణ స్టూడియోస్ 50వ వార్షికోత్సవం సందర్భంగా ఈ చిత్రాన్ని 4K విజువల్స్, డాల్బీ అట్మాస్ సౌండ్‌తో రీ-రిలీజ్(Re-Release) చేయనున్నారు. తెలుగు సినిమా పరిశ్రమలో ట్రెండ్‌సెట్టర్‌గా నిలిచిన ‘శివ’ 36 ఏళ్ల తర్వాత మళ్లీ ప్రేక్షకులను అలరించడానికి రెడీ అవుతోంది.
ఆగస్టు 14 నుంచి ‘కూలీ’ సినిమాలో ‘శివ ట్రైలర్’
ఈ సినిమా నాగార్జునకు ఐకానిక్ హీరో స్థాయిని తెచ్చిపెట్టింది. ఈ మేరకు సోషల్ మీడియాలో నాగ్ ఈ విషయాన్ని ప్రకటించారు. “మోస్ట్ ఐకానిక్ మూవీ ‘శివ’ని 4K డాల్బీ అట్మాస్‌లో తీసుకొస్తున్నాం. ఆగస్టు 14 నుంచి ‘కూలీ(Coolie)’ సినిమా థియేటర్లలో ‘శివ’ ట్రైలర్(Shiva Trailer) ప్రదర్శించనున్నాం” అని తెలిపారు. రామ్ గోపాల్ వర్మ కూడా, “చైన్ ఈజ్ బ్యాక్! డాల్బీ అట్మాస్‌లో నాగ్ పంచ్ మరింత బిగ్గరగా వినిపిస్తుంది” అంటూ ఉత్సాహం వ్యక్తం చేశారు. నాగార్జున, అమల(Amala), రఘువరన్ ప్రధాన పాత్రలలో నటించిన ఈ చిత్రం అప్పట్లో బాక్సాఫీస్ వద్ద సంచలనం సృష్టించడమే కాకుండా, ఉత్తమ దర్శకుడు, ఉత్తమ తొలి చిత్ర దర్శకుడు, ఉత్తమ సంభాషణల రచయిత (తనికెళ్ల భరణి) విభాగాల్లో మూడు నంది అవార్డులను గెలుచుకుంది.
#50YearsOfAnnapurna
Hello my friends !
we are bringing back the most iconic film SHIVA🔥and for the first time time in 4K DOLBY ATMOS sound💥SHIVA TRAILER WITH#COOLIE on 14 th August!!
Shiva the film very soon😊#Shiva4KInDolbyAtmos #AnrLivesOn #Shiva4K pic.twitter.com/tVzPEYQPTB
— Nagarjuna Akkineni (@iamnagarjuna) August 8, 2025
సెప్టెంబర్ రెండో వారంలో రీ-రిలీజ్ అయ్యే ఛాన్స్
అభిమానులు ఎప్పటి నుంచో ‘శివ’ 4K రీ-రిలీజ్ కోసం ఎదురుచూస్తున్నారు. అడ్వాన్స్‌డ్ ఏఐ టెక్నాలజీ(AI Technology)తో మోనో మిక్స్‌ను డాల్బీ అట్మాస్‌కు మార్చారు, ఇది ప్రేక్షకులకు కొత్త అనుభవాన్ని అందిస్తుంది. సెప్టెంబర్ రెండో వారంలో రీ-రిలీజ్ అయ్యే అవకాశం ఉందని తెలుస్తోంది. ఈ చిత్రం తెలుగు సినిమా చరిత్రలో మళ్లీ ట్రెండ్ సెట్ చేయడానికి సిద్ధంగా ఉంది.
swarna boddula
