BhuBharathi: మనిషికి ఆధార్.. భూమికి భూధార్: సీఎం రేవంత్

తెలంగాణ(Telangana)లో జరిగిన పోరాటాలన్నీ భూమి చుట్టూ తిరిగాయని సీఎం రేవంత్‌రెడ్డి (CM Revanth Reddy) అన్నారు. ‘జల్‌.. జంగిల్‌.. జమీన్‌’ నినాదంతో కుమురంభీమ్‌ పోరాడితే.. భూమి కోసం, విముక్తి కోసం దొడ్డి కొమురయ్య, చాకలి ఐలమ్మ పోరాటం చేశారని గుర్తు చేశారు. తెలంగాణ ప్రభుత్వం ప్రతిష్ఠాత్మకంగా తీసుకొచ్చిన ‘భూభారతి(Bhu Bharathi)’ పోర్టల్‌ ప్రారంభోత్సవం సందర్భంగా శిల్పకళావేదికలో CM మాట్లాడారు.

ఆ కుటుంబాల రైతులకు అంకితం చేస్తున్నాం..

‘‘కాంగ్రెస్ ప్రభుత్వం(Congress Govt) ఎంతో అధ్యయనం చేసి భూ చట్టాలను చేసింది. కానీ, గత పాలకులు ఉన్నపళంగా మంచి చట్టాన్ని రద్దు చేసి ‘ధరణి(Dharani)’ తీసుకొచ్చారు. అనాలోచితంగా తెచ్చిన ధరణి చట్టం ఎన్నో సమస్యలకు కారణమైంది. అంబేడ్కర్‌ జయంతి రోజున భూభారతి చట్టాన్ని 69 లక్షల కుటుంబాల రైతులకు అంకితం చేస్తున్నాం. రెవెన్యూ సిబ్బందిని గత CM ఎన్నో రకాలుగా అవమానించారు. రెవెన్యూ(Revenue) సిబ్బంది అంటే.. ప్రజలను దోచుకునే వారిగా చిత్రీకరించారు. ఎలుక దూరిందని ఇల్లు తగలబెట్టే వ్యవహారం చేశారు. గ్రామాల్లో రైతుల సమస్యలను పరిష్కరించే ఉద్యోగులను తొలగించారు.

మనిషికి ఆధార్…
భూమికి భూదార్…
హద్దులు నిర్ణయిద్దాం…
హక్కులు పక్కాగా లెక్క తేల్చుదాం.#TelanganaBhuBharatiPortal #BhuBharati pic.twitter.com/IxKICW8RSd

— Revanth Reddy (@revanth_anumula) April 14, 2025

రైతుల సమస్యలకు భూభారతితో శాశ్వత పరిష్కారం

‘కాంగ్రెస్‌ ప్రభుత్వం వస్తుంది. ‘ధరణి’ని బంగాళాఖాతంలో వేస్తుంద’ని ఆనాడే చెప్పాం. రైతుల సమస్యలకు భూభారతి(Bhu Bharathi) శాశ్వత పరిష్కారం చూపాలని కోరుకుంటున్నా. రెవెన్యూ సిబ్బందిని దోషులుగా చూపే విధానానికి నేను పూర్తి వ్యతిరేకం. వారిని ఈ ప్రభుత్వం సంపూర్ణంగా విశ్వసిస్తుంది. రైతుల హక్కులు(Farmers Rights) కాపాడేందుకు అహర్నిశలు కృషి చేసిన రెవెన్యూ ఉద్యోగులు కూడా ఉన్నారు. ప్రభుత్వం, అధికారులు వేర్వేరు కాదు. రెవెన్యూ సిబ్బంది, ప్రభుత్వం కలిసి నడిస్తేనే ఏదైనా విజయవంతమవుతుంది. ప్రతి మనిషికి ఆధార్‌ వలే.. ప్రతి భూమికి భూధార్‌ తెస్తాం. ప్రతి భూమికి కచ్చితమైన సరిహద్దులతో రిజిస్ట్రేషన్‌ చేద్దాం’’ అని సీఎం అన్నారు.