గద్దర్ సినీ అవార్డు అందుకున్న అల్లు అర్జున్.. ఇది ఎంతో స్పెషల్ అంటూ సంబరం

తెలంగాణ సాయుధ పోరాట యోధుడు గద్దర్( Gaddar Cine Award) పేరుతో తెలంగాణ ప్రభుత్వం ఎంతో ప్రతిష్టాత్మకంగా గద్దర్ సినీ అవార్డుల ప్రదానోత్సవ కార్యక్రమం చేపట్టింది. సీఎం రేవంత్ రెడ్డి ముఖ్య అతిథిగా జూన్ 14న హైదరాబాద్ హైటెక్స్‌లో గ్రాండ్‌గా ఈ వేడుక నిర్వహించారు. ఈవేడుకల్లో అవార్డులకు ఎంపికైన నటీనటులతో పాటు పలువురు టాలీవుడ్‌ సెలబ్రిటీల సందడి కనిపించింది. ‘పుష్ప 2’ చిత్రానికి గాను ఉత్తమ నటుడిగా అల్లు అర్జున్ అవార్డు అందుకున్నారు.

అనంతరం తాను అందుకున్న తెలంగాణ గద్దర్‌ ఫిల్మ్‌ అవార్డును అభిమానులకు అంకితమిస్తున్నట్టు అల్లు అర్జున్‌ (Allu Arjun) తెలిపారు. తెలంగాణ ముఖ్యమంత్రి రేవంత్‌ రెడ్డి (CM Revanth Reddy) అల్లు అర్జున్‌కు అవార్డు అందజేశారు. మెమెంటో, ప్రశంసా పత్రంతోపాటు నగదు పురస్కారం అందించారు. ఇద్దరూ హగ్ చేసుకోవడం ఇక్కడ ఆసక్తికర అంశం.

ఆ తర్వాత అల్లు అర్జున్ మాట్లాడుతూ.. ‘గద్దర్‌ అవార్డుల వేడుక నిర్వహించిన తెలంగాణ ప్రభుత్వానికి కృతజ్ఞతలు అన్నారు. గౌరవనీయులైన ముఖ్యమంత్రి రేవంత్‌రెడ్డి, ఉప ముఖ్యమంత్రి భట్టి విక్రమార్క, నిర్మాత దిల్‌రాజుకు ధన్యవాదాలు తెలుపుతూ.. ఈ పురస్కారం తనకు దక్కిందంటే కారణం దర్శకుడు సుకుమార్ అని తెలిపారు. ‘పుష్ప 2’ టీమ్‌కి థాంక్స్‌. ‘పుష్ప 2’కిగానూ నేను అందుకున్న తొలి అవార్డు ఇది. చాలా చాలా ప్రత్యేకం. ఈ అవార్డును అభిమానులకు అంకితమిస్తున్నా అన్నారు.