రికార్డుల్లోనూ తగ్గేదేలే.. రిలీజ్ కు ముందే పుష్ప-2 సంచలనాలు

Mana Enadu : ‘పుష్ప అంటే ఫ్లవర్ అనుకుంటివా.. కాదు ఫైర్.. నీయమ్మ తగ్గేదేలే’ అంటూ స్టైలిష్ స్టార్ అల్లు అర్జున్ (Allu Arjun) చెప్పిన డైలాగ్ ఆయణ్ను ఐకాన్ స్టార్ గా మార్చేసింది. టాలీవుడ్ హీరోను పాన్ ఇండియా స్టార్ చేసింది. పుష్ప పార్ట్-1లో ఆయన నటనకు ఏకంగా జాతీయ అవార్డు దరిచేరింది. ఇక ఇప్పుడు ‘పుష్ప-2 : ది రూల్ (Pushpa 2 : The Rule)’ అంటూ బాక్సాఫీస్ వద్ద మరోసారి తన ఫైర్ ను చూపించేందుకు వస్తున్నాడు అల్లు అర్జున్.

డిసెంబరు 5వ తేదీన ప్రపంచ వ్యాప్తంగా పుష్ప-2 రిలీజ్ అవుతోంది. రష్మిక మందన్న (Rashmika Mandanna) హీరోయిన్ గా నటించిన ఈ సినిమాను దర్శకుడు సుకుమార్ తెరకెక్కించారు. ఫహాద్ ఫాజిల్, అనసూయ కీలక పాత్రలు పోషించారు. శ్రీలీల స్పెషల్ సాంగ్ లో కనిపించనుంది. ఈ నేపథ్యంలో రిలీజ్ కు రెండ్రోజులే ఉండటంతో చిత్రబృందం ప్రమోషన్లలో జోరు పెంచింది. మరోవైపు సోషల్ మీడియాలోనూ ఎక్కడ చూసినా పుష్పరాజ్ హవాయే కనిపిస్తోంది. ఇక రిలీజ్ కు ముందే పుష్పరాజ్ తన జోరు చూపిస్తున్నాడు. ఇప్పటికే ఈ సినిమా ఎన్నో రికార్డులు క్రియేట్ చేసింది. మరి సినిమా విడుదలకు ముందే ‘పుష్ప2’కు వచ్చిన రికార్డులు (Pushpa 2 Records) ఒకసారి చూద్దాం..

విడుదలకు ముందే పుష్ప క్రియేట్ చేసిన రికార్డులివే..

పుష్ప-2 చిత్రం ప్రపంచవ్యాప్తంగా 11,500 స్క్రీన్స్‌లో విడుదల కానుంది. (ఇండియాలో 6,500.. ఓవర్సీస్‌లో 5000 స్క్రీన్స్‌). ఇలా బిగ్గెస్ట్‌ రిలీజ్ ఇండియన్‌ సినిమాగా ‘పుష్ప2’ రికార్డు క్రియేట్ చేసింది.
‘పుష్ప2’ ట్రైలర్‌ (Pushpa 2 Trailer).. రిలీజ్ అయిన కొన్ని గంటల్లోనే 150 మిలియన్ల వ్యూస్‌ను సొంతం చేసుకుంది. ట్రైలర్ రిలీజ్ అయిన 15 గంటలలోపు 40 మిలియన్ల న్యూస్ పొందిన ఫస్ట్‌ సౌతిండియన్ మూవీ ట్రైలర్‌గా మరో రికార్డు సృష్టించింది.
ఓవర్సీస్‌లో అత్యంత వేగంగా యాభైవేల టికెట్స్ సేల్‌ (Pushpa 2 Pre Sales) అయిన చిత్రంగా ‘పుష్ప2’ రికార్డు క్రియేట్ చేసింది.
అమెరికాలో అత్యంత వేగంగా ప్రీసేల్‌ ద్వారానే 1 మిలియన్‌ డాలర్ల మార్క్‌ను చేరిన సినిమాగా ‘పుష్ప2’ రికార్డు సృష్టించింది.
24 గంటల్లో ‘పుష్ప2’ హిందీ వెర్షన్‌ అడ్వాన్స్ బుకింగ్స్ లక్ష టికెట్స్‌ సేల్‌ అయ్యాయి. బాలీవుడ్‌లో ఆల్‌ టైమ్‌ టాప్ మూవీస్ లో పుష్పరాజ్ మూడో స్థానంలో నిలిచాడు.
హైయెస్ట్‌ లైవ్‌ వ్యూవర్స్‌ నమోదైన తొలి ఈవెంట్‌గా పట్నాలో జరిగిన ‘పుష్ప-2 (Pushpa 2 Patna Event)’ తొలి ఈవెంట్‌ నిలిచింది.
పుష్ప-2 ఐటెం సాంగ్‌ 18 గంటల్లోనే 25+ మిలియన్‌ వ్యూస్‌ను సొంతం చేసుకుని అత్యంత వేగంగా అత్యధిక వ్యూస్‌ సొంతం చేసుకున్న దక్షిణాది పాటగా రికార్డు సృష్టించింది.
ట్రేడ్‌ వర్గాల సమాచారం ప్రకారం పుష్ప-2 సినిమా తొలిరోజు రూ.303 కోట్లు వసూళ్లు చేయొచ్చని అంచనా. ఇది నిజమైతే రూ.300 కోట్లు సాధించిన ఫస్ట్ ఇండియన్ సినిమాగా ‘పుష్ప2’ రికార్డు క్రియేట్ చేయడం ఖాయం.