adminMana Enadu : ఏపీ ముఖ్యమంత్రి చంద్రబాబు నాయుడు (AP CM Chandrababu Naidu) అధ్యక్షతన రాష్ట్ర మంత్రివర్గం సమావేశమైంది. ఈ సమావేశంలో కేబినెట్ పలు కీలక నిర్ణయాలకు ఆమోదం తెలిపింది. పీఎం ఆవాస్‌ యోజన గిరిజిన గృహ పథకం అమలుతో పాటు.. ఏపీ మారిటైమ్ పాలసీ, పులివెందుల, ఉద్దానం, డోన్ తాగునీటి ప్రాజెక్టులకు ఆమోదం లభించింది. మరోవైపు గత ఐదేళ్లలో నిర్మించని గృహాల రద్దుపై సమావేశంలో నిర్ణయం తీసుకున్న కేబినెట్ (AP Cabinet Meeting).. సమీకృత పర్యాటక పాలసీ 2024-29, 2024-29 స్పోర్ట్స్ పాలసీలో మార్పులకు ఆమోదం తెలిపింది.
కేబినెట్ నిర్ణయాలు ఇవే..
- ఆయుర్వేద, హోమియోపతి ప్రాక్టీషనర్‌ రిజిస్ట్రేషన్‌ చట్ట సవరణకు ఆమోదం
- పొట్టి శ్రీరాములు వర్ధంతి (డిసెంబరు 15)ని ఆత్మార్పణ సంస్మరణ దినంగా నిర్వహణకు ఆమోదం
- ఐటీ గ్లోబల్‌ కేపబిలిటీ సెంటర్స్‌ పాలసీ 4.0కు ఆమోదం
- ఏపీ టెక్స్‌టైల్స్‌ గార్మెంట్‌ పాలసీకి ఆమోదం
- ఏపీ మారిటైమ్ పాలసీకి కేబినెట్ ఆమోదం
- పులివెందుల, ఉద్దానం, డోన్ తాగునీటి ప్రాజెక్టులను ఆమోదం.
మరోవైపు.. రాష్ట్రంలో జల్‌జీవన్‌ మిషన్‌ (JJM) వినియోగంలో జాప్యంపై అసహనం వ్యక్తం చేసిన సీఎం చంద్రబాబు.. మిషన్‌.. డీపీఆర్‌ స్థాయి దాటి ముందుకెళ్లట్లేదని అధికారులపై మండిపడ్డారు. బ్యూరోక్రసీ జాప్యంతో పథకం సద్వినియోగం కావడం లేదని ఆగ్రహం వ్యక్తం చేశారు. ప్రాజెక్టును రాష్ట్రం సద్వినియోగం చేసుకోవట్లేదని దిల్లీలోనూ ప్రచారం జరుగుతోందని డిప్యూటీ సీఎం పవన్ (Pawan Kalyan) పేర్కొనగా.. ఈ పథకం ప్రతి ఒక్కరికీ చేరువయ్యే అతిపెద్ద ప్రాజెక్టు అని.. మిషన్‌ మోడ్‌లో పనిచేస్తే పథకం అధ్భుత ఫలితాలను ఇస్తుందని మంత్రి లోకేశ్‌ తెలిపారు.
ఇక ఈ సమావేశంలో పులివెందుల, ఉద్దానం, డోన్‌లో తాగునీటి ప్రాజెక్టుల(Done Water Project)కు ఆమోదం తెలిపారు. మద్యం, ఇసుక మాఫియాను అరికట్టామని సీఎం చంద్రబాబు తెలిపారు. రేషన్ మాఫియాను అరికడుతున్నామని, ల్యాండ్ గ్రాబింగ్ యాక్ట్‌తో రెవెన్యూ సమస్యలు పరిష్కరిస్తున్నామని వెల్లడించారు. మరోవైపు ప్రభుత్వం ఏర్పడి 6 నెలల పూర్తయిన దృష్ట్యా ఎవరెవరు ఏం చేశారో సమగ్ర నివేదిక ఇవ్వాలని సీఎం చంద్రబాబు ఆదేశించారు.
Desk
swarna boddula
