Desk
లార్డ్స్(Lords) వేదికగా ఆస్ట్రేలియా-సౌతాఫ్రికా మధ్య జరుగుతున్న ప్రపంచ టెస్ట్ ఛాంపియన్ షిప్ ఫైనల్(World Test Championship Final) రసవత్తరంగా సాగుతోంది. బౌలర్ల ఆధిపత్యం కొనసాగుతున్న ఈ మ్యాచు తొలి ఇన్నింగ్స్‌లో ఇరు జట్లు స్పల్ప స్కోర్లకే కుప్పకూలాయి. తొలుత ఆస్ట్రేలియా(Australia) 212/10 రన్స్ చేయగా.. దానికి బదులుగా సౌతాఫ్రికా(South Africa) కేవలం 57.1 ఓవర్లలోనే 138 పరుగులకే కుప్పకూలింది. ప్రొటీస్ బ్యాటర్లలో బవుమా (36), బెడింగమ్ (45), రికెల్టన్ (16) రన్స్ మినహా మిగతా వారంతా విఫలమయ్యారు. కంగారూ బౌలర్లలో కెప్టెన్ కమిన్స్(Cummins) 6 వికెట్లతో చెలరేగాడు. స్టార్క్ 2, హేజిల్ వుడ్ ఒక వికెట్ తీశారు.
218 పరుగుల ఆధిక్యంలో ఆస్ట్రేలియా
అనంతరం 74 పరుగుల తొలి ఇన్నింగ్స్ ఆధిక్యం సాధించిన ఆసీస్ రెండో ఇన్నింగ్స్‌లోనూ తడబడింది. దీంతో రెండో రోజు ఆట ముగిసే సమయానికి కంగారూ జట్టు 40 ఓవర్లలో 8 వికెట్లు కోల్పోయి 144 రన్స్ చేసింది. లబుషేన్ (22), క్యారీ (43) రన్స్ చేశారు. ప్రస్తుతానికి 218 పరుగుల ఆధిక్యంలో నిలిచింది. సౌతాఫ్రికా(South Africa) బౌలింగ్‌లో తొలి ఇన్నింగ్స్‌లో 5 వికెట్లతో చెలరేగిన రబాడ(Rabada) రెండో ఇన్నింగ్స్‌లోనూ 3 వికెట్లు తీశాడు. ఎంగిడి 3, జాన్సెన్, మల్డర్ చెరో వికెట్ పడగొట్టారు. కాగా బౌలర్లకు సహకరిస్తున్న పిచ్‌పై కంగారూలను ఎదుర్కొని టార్గెట్‌ను ఛేదించడం సఫారీలకు కత్తిమీద సామే కావొచ్చని క్రికెట్ మాజీలు అభిప్రాయపడుతున్నారు.
DAY 2 WRAPPED UP AT LORD’S IN WTC FINAL.
Australia possesses a 218-run lead.South Africa requires securing two more wickets to accomplish the target.#WtcFinal2025 #WTCFinal pic.twitter.com/dsxzg267Y8
— Faruk🐦 (@uf2151593) June 12, 2025
swarna boddula
