బాలకృష్ణ, క్రిష్ కాంబోలో మరోసారి భారీ ప్రాజెక్ట్.. ఈసారి మాములుగా ఉండదు!

నందమూరి బాలకృష్ణ(Balakrishna), దర్శకుడు క్రిష్(krish) కాంబినేషన్‌లో ఇప్పటివరకు మూడు సినిమాలు విడుదలయ్యాయి. వీరిలో 2017లో వచ్చిన చారిత్రక చిత్రం ‘గౌతమీపుత్ర శాతకర్ణి’ మంచి విజయాన్ని నమోదు చేసుకుంది. అనంతరం బాలకృష్ణ తన తండ్రి ఎన్టీఆర్ జీవితకథ ఆధారంగా తెరకెక్కిన బయోపిక్‌ ‘యన్టీఆర్ – కథానాయకుడు’, ‘మహానాయకుడు’ చిత్రాల్లో నటించి, నిర్మించారు. ఈ రెండు చిత్రాలు ఆశించిన స్థాయిలో ఆకట్టుకోలేకపోయాయి.

ఇప్పుడు మళ్లీ బాలయ్య, క్రిష్ కాంబోలో మరో భారీ ప్రాజెక్ట్(grand project) రానున్నట్టు ఫిలింనగర్ వర్గాల్లో వార్తలు వస్తున్నాయి. ఈ సినిమా 1991లో విడుదలై సైన్స్ ఫిక్షన్ కేటగిరీలో కల్ట్ క్లాసిక్‌గా నిలిచిన ‘ఆదిత్య 369’కి(Adhityaq369) సీక్వెల్‌గా రూపొందనుందట. ఈ సారి ప్రాజెక్ట్ పేరు ‘ఆదిత్య 999’(Adhitya999)గా ఫిక్స్ అయినట్టు తెలుస్తోంది. ఈ కథను సింగీతం శ్రీనివాసరావు ఆధ్వర్యంలో చేయగా, దాన్ని క్రిష్ దర్శకత్వంలో తెరకెక్కించేందుకు ప్లాన్ చేస్తున్నారని సమాచారం.

ప్రస్తుతం బాలకృష్ణ ‘అఖండ 2’ షూటింగ్‌లో బిజీగా ఉన్నారు. ఆ తర్వాత గోపీచంద్ మలినేని దర్శకత్వంలో ఓ కమర్షియల్ సినిమాను ప్రారంభించనున్నారు. ఈ చిత్రం ప్రీ-ప్రొడక్షన్ దశలో ఉండగానే, ‘ఆదిత్య 999’ను కూడా సమాంతరంగా రూపొందించే యత్నాలు జరుగుతున్నాయని తెలుస్తోంది.

ఈ సినిమా కూడా మునుపటిలా పీరియడ్ డ్రామా, సైన్స్ ఫిక్షన్ మిక్స్‌గా ఉంటుందా? లేక మైథలాజికల్ టచ్‌తో సోషియో ఫాంటసీగా మలచాలనుకుంటున్నారా? అనే విషయంపై అభిమానుల్లో ఆసక్తి నెలకొంది. ప్రస్తుతం క్రిష్ తన చిత్రం ‘ఘాటీ’ విడుదల పనుల్లో ఉండగా, ఆ తర్వాతే బాలయ్య సినిమా ప్రకటన వెలువడే అవకాశం ఉంది.