కెనరా బ్యాంక్ కీలక నిర్ణయం: మినిమం బ్యాలెన్స్ జరిమానాలకు గుడ్‌బై!

ప్రముఖ ప్రభుత్వ రంగ బ్యాంకులలో ఒకటైన కెనరా బ్యాంక్ పొదుపు ఖాతాదారులకు శుభవార్త అందించింది. ఇకపై ఖాతాలో మినిమం బ్యాలెన్స్ లేకపోయినా జరిమానాలు విధించబోమని బ్యాంక్ స్పష్టం చేసింది. ఈ నిర్ణయం రేపు అనగా జూన్ 1, 2025 నుంచి అమల్లోకి రానుంది .

రెగ్యులర్ సేవింగ్స్ అకౌంట్లు, శాలరీ ఖాతాలు, ఎన్ఆర్ఎ ఖాతాలు ఈ కొత్త విధానం కెనరా బ్యాంకులోని అన్ని కేటగిరీల పొదుపు ఖాతాలపై వర్తించనుంది. ఈ నిర్ణయంతో బ్యాంకింగ్ సేవలు మరింతగా ప్రజలకు అందుబాటులోకి వస్తాయన్న లక్ష్యంతో ఈ చర్యలు తీసుకున్నట్లు బ్యాంకు వర్గాలు తెలిపాయి.

ఇంతకు ముందు, ఖాతాదారులు నెలవారీ సగటు నిల్వ (AMB)గా కొన్ని మొత్తాలు ఖాతాలో ఉంచాల్సి ఉండేది. అవి పట్టణ శాఖలలో రూ. 2,000 సెమి, అర్బన్ బ్రాంచుల్లో రూ. 1,000 , గ్రామీణ శాఖల్లో రూ. 500 ఈ పరిమితులను పాటించని ఖాతాదారులకు జరిమానాలు విధించేవారు. ఇకపై ఇవన్నీ ఉండబోవని స్పష్టం చేసారు బ్యాంకు అధికారులు.

కెనరా బ్యాంక్ తన అధికారిక ఎక్స్ (Twitter) ఖాతా ద్వారా ఈ విషయాన్ని ప్రకటిస్తూ, “స్వేచ్ఛను అనుభవించండి. వ్యత్యాసాన్ని గుర్తించండి. జూన్ 1, 2025 నుంచి కెనరా బ్యాంక్ పొదుపు ఖాతాల్లో మినిమం బ్యాలెన్స్ లేకపోయినా ఎటువంటి జరిమానా విధించబోం.”
అంటూ పేర్కొంది.

ఈ నిర్ణయంతో కెనరా బ్యాంక్, మినిమం బ్యాలెన్స్ జరిమానాలను పూర్తిగా తొలగించిన మొదటి ప్రధాన ప్రభుత్వ రంగ బ్యాంక్ గా నిలిచింది. ఇది బ్యాంకింగ్ రంగంలో వినూత్నమైన మార్గదర్శక చర్యగా నిలుస్తోంది.