NTR on War-2: ఆగస్టు 14న కలుద్దాం.. వార్-2 నుంచి అదిరిపోయే అప్డేట్ ఇచ్చిన ఎన్టీఆర్

టాలీవుడ్ యంగ్ టైగర్ ఎన్టీఆర్(NTR), బాలీవుడ్ కండలవీరుడు హృతిక్ రోషన్(Hrithik Roshan) కలిసి నటిస్తున్న భారీ యాక్షన్ చిత్రం ‘వార్ 2(War-2)’పై భారీ అంచనాలు నెలకొన్నాయి. తాజాగా జూనియర్ తారక్ ఓ కీలకమైన అప్డేట్ ఇచ్చారు. ఈ సినిమాకు సంబంధించి తన పాత్ర చిత్రీకరణ పూర్తయినట్లు ఆయన సోషల్ మీడియా(Social Media) వేదికగా ప్రకటించారు. ఈ సందర్భంగా తన సహనటుడు హృతిక్ రోషన్‌, చిత్ర బృందంపై ప్రశంసల వర్షం కురిపించారు.ఈ సినిమా ప్రయాణం తనకు ఎన్నో విషయాలు నేర్పిందని తారక్ పేర్కొన్నారు.

హృతిక్‌ రోషన్‌ ఎనర్జీకి ఆకర్షితుడినయ్యా..

‘‘వార్‌ 2’ చిత్రీకరణ పూర్తయింది. హృతిక్‌ రోషన్‌ సర్‌ సెట్స్‌లో ఉన్నంతసేపూ సందడిగా ఉంటుంది. ఆయన ఎనర్జీ(Energy)కి ఆకర్షితుడినయ్యా. సెట్‌లో రోషన్ సర్‌తో కలిసి పనిచేయడం ఒక అద్భుతమైన అనుభూతి. ఆయన ఎనర్జీని నేను ఎప్పుడూ ఆరాధిస్తాను. ఈ సినిమా ప్రయాణంలో ఆయన్నుంచి ఎన్నో విషయాలు నేర్చుకున్నా. ఈ సినిమా ద్వారా దర్శకుడు అయాన్‌ ముఖర్జీ(Director Ayan Mukherjee) ప్రేక్షకులకు పెద్ద సర్‌ప్రైజ్‌ సిద్ధం చేశారు. ఈ చిత్రానికి పని చేసిన ‘యశ్‌రాజ్‌ ఫిల్మ్స్‌(Yash Raj Films)’ టీమ్‌కి బిగ్‌ థాంక్స్‌’’ అని తారక్ తన పోస్టులో పేర్కొన్నారు.
ఈ హై-ఆక్టేన్ యాక్షన్ థ్రిల్లర్‌ను ఆగస్టు 14న థియేటర్లలో చూడటానికి సిద్ధంగా ఉండాలని అభిమానులను కోరారు. కాగా ఈ చిత్రాన్ని తెలుగులో ‘సితార ఎంటర్‌టైన్‌మెంట్స్‌’ సంస్థ విడుదల చేయనుంది. ప్రపంచవ్యాప్తంగా 7,500 స్క్రీన్స్‌లో ఈ సినిమాని ప్రదర్శించేందుకు సన్నాహాలు చేస్తున్నట్టు సమాచారం.

And It’s a wrap for #War2!
So much to take back from this one…

It’s always a blast being on set with @iHrithik Sir. His energy is something I have always admired. There is so much I have learned from him on this journey of War 2.
Ayan has been amazing. He has truly set the…

— Jr NTR (@tarak9999) July 7, 2025

తెలుగు రాష్ట్రాల్లో స్పెషల్ ప్రీమియర్స్‌కి ప్లాన్?

కాగా ఈ సినిమాను తెలుగు రాష్ట్రాల్లో(Telugu States) భారీ స్థాయిలో రిలీజ్ చేసేందుకు ఆయన ప్లాన్ చేస్తున్నారు. అంతేగాక, NTR అభిమానుల కోసం ఈ చిత్రాన్ని తెలుగు రాష్ట్రాల్లో తెల్లవారుజామున స్పెషల్ ప్రీమియర్స్(Special Premieres) వేయాలని నాగవంశీ(Nagavamshi) ప్రయత్నిస్తున్నారు. దీని కోసం రెండు తెలుగు రాష్ట్రాల ప్రభుత్వాన్ని ఆయన అనుమతి కోరనున్నట్లు తెలుస్తోంది. గతంలో దేవర(Devara) చిత్రానికి కూడా ఇలా స్పెషల్ ప్రీమియర్స్ వేశారు. ఇప్పుడు అదే స్ట్రాటజీతో నాగవంశీ ముందుకెళ్లాలని చూస్తున్నారు. మరి ‘వార్-2’ చిత్రానికి ప్రీమియర్ షోలు వేసేందుకు అనుమతి లభిస్తుందా లేదా అనేది చూడాలి.