నేడే దిల్లీ ఎన్నికల షెడ్యూల్.. మధ్యాహ్నం 2 గంటలకు ఈసీ ప్రెస్‌మీట్‌

2025 కొత్త ఏడాదిలో ఎన్నికల సందడి మొదలవనుంది. దేశ రాజధాని దిల్లీ అసెంబ్లీ ఎన్నికల (Delhi Assembly Elections) షెడ్యూల్‌ను కేంద్ర ఎన్నికల సంఘం ఇవాళ (మంగళవారం) ప్రకటించనుంది. మధ్యాహ్నం 2 గంటలకు ఎన్నికల అధికారులు (Central Election Commission) మీడియా సమావేశం నిర్వహించనున్నారు. ఈ సందర్భంగా ఎన్నికల షెడ్యూల్ ప్రకటించనున్నారు.

ఫిబ్రవరిలో ఎన్నికలు

70 శాసనసభ స్థానాలున్న దిల్లీ అసెంబ్లీకి ఈ ఏడాది ఫిబ్రవరి 23వ తేదీతో గడువు ముగియనుండగా.. ఆలోపే ఎన్నికలు (Delhi Election Schedule) నిర్వహించాల్సి ఉంటుంది. ఈ క్రమంలో వచ్చే నెల మొదటి వారంలో పోలింగ్ జరిగే అవకాశాలున్నట్లు తెలుస్తోంది. గతంలో 2020లో ఫిబ్రవరి 8వ తేదీన ఓటింగ్‌ నిర్వహించి అదే నెల 11వ తేదీన ఫలితాలు వెల్లడించారు. ఇక్కడ ఒకే విడతలో పోలింగ్‌ నిర్వహిస్తారు.

ఆప్ వర్సెస్ బీజేపీ

ప్రస్తుత అసెంబ్లీలో అధికార ఆమ్‌ ఆద్మీ పార్టీ (AAP)కి 62 మంది ఎమ్మెల్యేలు ఉండగా.. బీజేపీ (BJP)కి 8 మంది ఎమ్మెల్యేలు ఉన్నారు. పదేళ్ల పాటు అధికారంలో ఉన్న ఆప్‌.. వచ్చే ఎన్నికల్లో మరోసారి గెలిచి హ్యాట్రిక్‌ కొట్టాలని ఉవ్విళ్లూరుతోంది. మరోవైపు ఆప్ ను ఎలాగైనా గద్దె దించి దిల్లీ కోటపై కాషాయ జెండా ఎగురవేయాలని భావిస్తోంది బీజేపీ. ఇప్పటికే ఆప్‌ 70 మంది అభ్యర్థులను ప్రకటించగా. కాంగ్రెస్‌ (Congress), బీజేపీ కూడా కొన్ని స్థానాలకు అభ్యర్థులను ఖరారు చేశాయి. మరి ఈసారి దిల్లీ పీఠం ఎవరికి దక్కనుందో.

Related Posts

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *