admin
డ్యాన్స్‌ కొరియోగ్రాఫర్‌ జానీ మాస్టర్ (Jani Master), ఫిల్మ్ ఇండస్ట్రీ లైంగిక వేధింపుల పరిష్కార కమిటీ మెంబర్, నటి, యాంకర్ ఝాన్సీ (Jhansi) మధ్య సోషల్ మీడియాలో ట్వీట్ వార్ నడుస్తోంది. జానీ మాస్టర్ పై ఫిల్మ్ ఛాంబర్ ఆఫ్ కామర్స్‌ కేసు గెలిచిందని ఆమె సోషల్ మీడియాలో పోస్టు పెట్టారు. ఛాంబర్ ఆదేశాలను కోర్టులో సవాల్ చేసిన జానీ మాస్టర్ మధ్యంతర పిటిషన్ ను కోర్టు కొట్టివేసిందని.. పని ప్రదేశాల్లో మహిళల భద్రతకు ప్రాధాన్యత ఉందని ఆ తీర్పు మరోసారి రుజువు చేసిందని ఝాన్సీ తన ట్వీట్ లో పేర్కొన్నారు.
వాళ్లను చూస్తే జాలేస్తోంది
ఈ నేపథ్యంలో దీనిపై జానీ మాస్టర్ (Jani Master Tweet Today) స్పందించారు. సొంత లాభం కోసం కోర్టు ఆర్డర్లపైన కూడా తప్పుడు ప్రచారాలు చేసేవారిని చూస్తుంటే జాలేస్తుందని అన్నారు. తనకు తెలియకుండా జరిగిన యూనియన్ ప్రెసిడెంట్ ఎలక్షన్స్ గురించి పెట్టిన కేసుకి సంబంధించి వచ్చిన తీర్పుని వారికి అనుకూలంగా, నచ్చినట్టుగా మార్చి మరో కేసుతో ముడిపెట్టి పోస్టులు పెడుతున్నారని మండిపడ్డారు.
న్యాయం గెలుస్తుంది.. నిజం తెలుస్తుంది
“మీరేం చెప్పినా ప్రజలు నమ్ముతారని అనుకుంటున్నారేమో .. తీర్పు వివరాలు బయటకి వచ్చిన రోజున మీ నిజ స్వరూపమేంటో అందరికీ తెలుస్తుంది. దేనికోసం ఈ దుష్ప్రచారం చేస్తున్నారనో అందరూ తెలుసుకునే రోజు ఎంతో దూరంలో లేదు. న్యాయమే గెలుస్తుంది. నిజం అందరికీ తెలుస్తుంది’’ అంటూ జానీ మాస్టర్ సోషల్ మీడియాలో పోస్టు పెట్టారు.
తమ సొంత లాభం కోసం కోర్టు ఆర్డర్ల పై కూడా తప్పుడు ప్రచారాలు చేసేవారిని చూస్తుంటే జాలేస్తుంది.
ముందస్తుగా నాకు తెలియకుండా జరిగిన యునియన్ ప్రెసిడెంట్ ఎలక్షన్స్ గురించి నేను పెట్టిన కేసుకి సంబంధించి వచ్చిన తీర్పుని మీకు అనుకూలంగా, నచ్చినట్టుగా మార్చి మరో కేసుతో ముడిపెట్టి పోస్టులు…
— Jani Master (@AlwaysJani) January 29, 2025
లైంగిక్ వేధింపుల కేసులో అరెస్టు
లైంగిక వేధింపుల ఆరోపణల (Jani Master Arrest News)తో గతేడాది జానీ మాస్టర్ అరెస్టు కాగా.. డ్యాన్స్‌ యూనియన్ నుంచి ఆయణ్ను తొలగించినట్లు గతంలో వార్తలు వచ్చాయి. దీనిపైనా ఆయన ఎక్స్ వేదికగా స్పందిస్తూ.. నిర్దరణ కాని ఆరోపణలను కారణంగా చూపిస్తూ తనను శాశ్వతంగా యూనియన్ నుంచి తొలగించినట్లు వస్తున్న వార్తలను నమ్మొద్దని ఆయన తెలిపారు. తన పదవీకాలం ఇంకా ఉందని.. అయితే అనధికారికంగా, అనైతికంగా ఎలక్షన్లు నిర్వహించి వారికి వారే నిర్ణయాలు, హోదాలు తీసుకునే హక్కు ఎవరికీ లేదని పేర్కొన్నారు
Desk
swarna boddula
