Desk
ఎన్డీఏ తమ కూటమి ఉపరాష్ట్రపతి అభ్యర్థిగా మహారాష్ట్ర గవర్నర్ సీపీ రాధాకృష్ణన్(Maharashtra Governor CP Radhakrishnan)ను ప్రకటించింది. ఈ మేరకు BJP అధ్యక్షుడు జేపీ నడ్డా(JP Nadda) నేతృత్వంలో, ప్రధానమంత్రి నరేంద్ర మోదీ(PM Modi) అధ్యక్షతన జరిగిన పార్లమెంటరీ బోర్డు సమావేశం తర్వాత ఈ ప్రకటన చేసింది. సెప్టెంబర్ 9న జరగనున్న ఉపరాష్ట్రపతి ఎన్నికల కోసం రాధాకృష్ణన్‌ను ఎంపిక చేసినట్లు నడ్డా ప్రకటించారు. ఈ నిర్ణయానికి ఎన్డీఏ మిత్రపక్షాలైన TDP, లోక్ జనశక్తి పార్టీ, హిందుస్థానీ అవామ్ మోర్చా పార్టీలు మద్దతు తెలిపాయి.
అపార రాజకీయ అనుభవం
సీపీ రాధాకృష్ణన్, తమిళనాడుకు చెందిన బీజేపీ సీనియర్ నేత, RSS నేపథ్యం కలిగిన వ్యక్తి. ఆయన ప్రస్తుతం మహారాష్ట్ర గవర్నర్‌గా, గతంలో ఝార్ఖండ్, తెలంగాణ, పుదుచ్చేరికి గవర్నర్‌గా సేవలందించారు. కోయంబత్తూరు నుంచి రెండుసార్లు లోక్‌సభ సభ్యుడిగా ఎన్నికై, తమిళనాడు బీజేపీ అధ్యక్షుడిగా పనిచేశారు. ఆయన గౌండర్ కులానికి చెందినవారు, ఇది తమిళనాడులో ప్రభావవంతమైన ఓబీసీ సామాజిక వర్గం. ఈ నామినేషన్(Nomination)ను బీజేపీ 2026లో జరగనున్న తమిళనాడు అసెంబ్లీ ఎన్నికల(Tamil Nadu Assembly Elections-2026)కు సంబంధించిన వ్యూహాత్మక చర్యగా తెలుస్తోంది.
సెప్టెంబర్ 9న ఎన్నిక
ప్రధాని మోదీ రాధాకృష్ణన్‌ను అభినందిస్తూ, ఆయన సుదీర్ఘ రాజకీయ జీవితంలో సమాజ సేవ, వెనుకబాటు వర్గాల సాధికారతపై దృష్టి సారించారని పేర్కొన్నారు. ఎన్నికల సంఘం ప్రకారం, ఉపరాష్ట్రపతి ఎన్నిక(Vice Presidential Election)కు నామినేషన్ల గడువు ఆగస్టు 21, ఓట్ల లెక్కింపు సెప్టెంబర్ 9న జరుగనుంది. రాజనాథ్ సింగ్(Rajnath Singh) ఎన్నికల ప్రక్రియను పర్యవేక్షిస్తారు, కిరణ్ రిజిజు(Kiren Rijiju) ఓటింగ్ ఏజెంట్‌గా వ్యవహరిస్తారు. జగదీప్ ధన్‌ఖడ్ ఆరోగ్య కారణాలతో రాజీనామా చేయడంతో ఈ ఎన్నిక అవసరమైంది.
swarna boddula
