admin
పాన్ ఇండియా స్టార్ గా ఎదిగిన రెబల్ స్టార్ ప్రభాస్ గురించి ప్రత్యేకంగా చెప్పాల్సిన అవసరం లేదు. బాహుబలి సిరీస్‌తో దేశవ్యాప్తంగా తనకంటూ ఓ ప్రత్యేక గుర్తింపు తెచ్చుకున్నాడు ప్రభాస్. ఇప్పుడు వరుసగా భారీ బడ్జెట్ సినిమాలతో బిజీగా గడుపుతున్నాడు. ప్రభాస్ సినిమాలకే కాదు, లైఫ్ స్టైల్ విషయంలోనూ తనదైన ముద్ర వేసుకుంటున్నాడు. విలాసవంతమైన ఇంట్లో, విలక్షణమైన వస్తువులు, అరుదైన కలెక్షన్లతో ప్రభాస్ స్టైల్ లైఫ్‌కి ఓ కొత్త నిర్వచనమని చెప్పొచ్చు.
ఇటీవల ప్రభాస్ ఇంట్లో ఉన్న ఓ చెట్టు గురించి ఓ ఆసక్తికర వార్త సోషల్ మీడియాలో చక్కర్లు కొడుతోంది. కోటి రూపాయల విలువ కలిగిన ఆ చెట్టు ఏంటని ఆశ్చర్యపోతున్నారు. అసలు ఆ చెట్టు ప్రత్యేకత ఏంటి అనే సందేహం మీకు కూడా ఉందా.. అయితే ఇప్పుడు మనం ఆ చెట్టు గురించి తెలుసుకుందాం.
పురాణాల్లో కల్పవృక్షానికి ప్రత్యేక స్థానం ఉంది. ఇది దేవతలకు మాత్రమే దొరికే ఆధ్యాత్మిక చెట్టు. భగవద్గీతలో కూడా ఈ చెట్టు ప్రాముఖ్యత గురించి రాసి ఉంటుంది. మనిషి ఏ కోరిక కొరుకున్నా అది శుభమైనదా, అశుభమైనదా అన్న తేడా లేకుండా — కోరికలు తీరుస్తుందని చెబుతారు. కానీ, ఆ కోరికల్లో న్యాయం లేకపోవడంతో దేవేంద్రుడు ఈ చెట్టును భూలోకంనుండి స్వర్గానికి తీసుకెళ్లాడని హిందూ శాస్త్రాలలో వివరించబడింది.
ఈ కల్పవృక్షానికి చెందిన కొన్ని భాగాలు, భూమి మీద కొన్ని చోట్లే మిగిలి ఉన్నాయట. ఈ విత్తనం నుంచే వచ్చిన చెట్లలో ఒకటి ప్రభాస్ ఇంట్లో ఉందనే వార్త సోషల్ మీడియాలో చెక్కర్లు కొడుతుంది.
అయితే ఈ చెట్టు ఇంట్లో ఉండటం వల్ల ధనవంతులు అవుతారని, ఇంటి శ్రేయస్సును పెంచే శక్తి ఈ చెట్టులో ఉంటుందని, ఈ చెట్టును పెంచడం వల్ల మరింత ధనవంతులు కావచ్చు అంటూ జోతిష్యులు పలు సందర్భాల్లో చెప్పుకొచ్చారు.
swarna boddula
Desk
