adminMana Enadu : గోపీచంద్ మలినేని (Gopichandh Malineni ).. డాన్ శీను, క్రాక్, వీరసింహా రెడ్డి వంటి పవర్ ఫుల్ హిట్ సినిమాలను టాలీవుడ్ కు అందించిన యంగ్ డైరెక్టర్. ఈ దర్శకుడు బాలీవుడ్ లో తన తొలి సినిమాను రిలీజ్ చేసేందుకు రంగం సిద్ధం చేస్తున్నాడు. గతేడాది గదర్-2 (Gadar-2) సినిమాతో బ్లాక్ బస్టర్ అందుకున్న బాలీవుడ్ నటుడు సన్నీ డియోల్ తో గోపీచంద్ ‘జాట్ (Jaat Movie)’ అనే చిత్రాన్ని తెరకెక్కిస్తున్నాడు. తాజాగా ఈ సినిమా టీజర్ ను విడుదల చేశారు మేకర్స్.
గోపీచంద్ బాలీవుడ్ ఎంట్రీ
ఈ టీజర్ లో సన్నీ డియోల్ (Sunny Deol) ఓ పవర్ ఫుల్ రోల్ లో కనిపించబోతున్నట్లు తెలుస్తోంది. సాధారణంగా గోపిచంద్ హీరోలంటేనే మాస్ ఇమేజ్ తప్పకుండా ఉంటుంది. అలాంటింది ఊరమాస్ స్టార్, యాక్షన్ హీరో సన్నీ డియోల్ తో కలిసి ఈ డైరెక్టర్ సినిమా అంటే యాక్షన్ ఇంకా ఏ రేంజులో ఉంటుందో ఊహించుకోవచ్చు. ఇక ఈ చిత్రంలో మరో బీ టౌన్ నటుడు రణదీప్ హుడా (Randeep Hooda) విలన్ గా నటిస్తున్నాడు.
బాలీవుడ్ హీరోతో గోపీచంద్ సినిమా
ఈ సినిమాను మైత్రీ మూవీ మేకర్స్, పీపుల్ మీడియా ఫ్యాక్టరీ సంయుక్తంగా నిర్మిస్తున్నాయి. టాలీవుడ్ మ్యూజిక్ సెన్సేషన్ థమన్ సంగీతం అందిస్తున్నాడు. రిషి పంజాబి సినిటోగ్రాఫర్ గా.. అవినాష్ కొల్ల ప్రొడక్షన్ డిజైనర్గా పని చేస్తున్నారు. కమర్షియల్ ఎంటర్టైనర్గా వస్తోన్న ఈ చిత్రంతో గోపీచంద్ మలినేని బాలీవుడ్లోకి ఎంట్రీ ఇస్తుండటంతో ఈ మూవీ కోసం అందరూ ఆసక్తిగా ఎదురుచూస్తున్నారు.
సన్నీ డియోల్ జాట్ మూవీ
ఇక గదర్-2 సక్సెస్ తర్వాత ఫుల్ జోష్ మీదున్న సన్నీ డియోల్ వరుస సినిమాలు చేస్తూ దూసుకెళ్తున్నాడు. ఇప్పటికే బార్డర్-2 (Border 2) ప్రాజెక్టుకు సై అన్న ఈ నటుడు.. తాజాగా గోపీచంద్ మలినేని వంటి తెలుగు దర్శకుడితో జాట్ చిత్రం చేస్తున్నాడు. ఇక డాన్ శీను, బాడీగార్డ్, బలుపు, పండగచేస్కో, విన్నర్, క్రాక్, వీరసింహా రెడ్డి వంటి సినిమాలతో గోపీచంద్ టాలీవుడ్ లో తన మార్క్ చాటాడు.
swarna boddula
Desk
