admin
గ్లోబల్ స్టార్ రామ్ చరణ్ (Ram Charan) హీరోగా సెన్సేషనల్ డైరెక్టర్ శంకర్ కాంబోలో వచ్చిన మూవీ ‘గేమ్ ఛేంజర్’. జనవరి 10వ తేదీన ప్రపంచ వ్యాప్తంగా విడుదలై మిక్స్ డ్ టాక్ ను సొంతం చేసుకుంది. ఇప్పటికే ఈ సినిమాను పైరసీ బూతం వెంటాడిన విషయం తెలిసిందే. ఇక తాజాగా ఈ సినిమా HD ప్రింట్ ఆన్ లైన్ లో వైరల్ అవుతోంది. తమిళ్ రాకర్స్, మూవీ రూల్స్, ఫిల్మీ జిల్లా, టెలిగ్రామ్, ఐబొమ్మ (Ibomma) వంటి పైరసీ వెబ్ సైట్లలో ఈ సినిమా క్లియర్ ప్రింట్ ఇప్పుడు లభిస్తోంది.
కేబుల్ టీవీలో గేమ్ ఛేంజర్ టెలికాస్ట్
ఇక ఇప్పటికే ఈ ప్రింట్ డౌన్లోడ్ చేసుకుని సంక్రాంతి పండుగ సందర్భంగా ఊరెళ్తున్న సమయంలో బస్సుల్లో కూడా ‘గేమ్ ఛేంజర్ (Game Changer)’ చిత్రాన్ని టెలికాస్ట్ చేసిన విషయం తెలిసిందే. తాజాగా ఏపీలోని ఓ కేబుల్ టీవీలో కూడా ఈ సినిమా ప్రసారం జరిగింది. ఈ విషయాన్ని ఓ నెటిజన్ తన సోషల్ మీడియా ఖాతాలో షేర్ చేయగా నిర్మాతల దృష్టికి చేరింది. లోకల్ టీవీ ఛానెల్ లో గేమ్ ఛేంజర్ చిత్రం HD ప్రింట్ ను టెలికాస్ట్ చేస్తున్నారంటూ ఇప్పుడు నెట్టింట పోస్టులు వైరల్ అవుతున్నాయి.
Yesterday, ‘Ap Local TV’, a local cable network, streamed a pirated HD print of #GameChanger.
And no action has been taken so far.
There were so many conspiracies and propaganda by a section to kill the film. pic.twitter.com/3K1RWDWMPP
— Fukkard (@Fukkard) January 15, 2025
ఏళ్ల కష్టమంతా బూడిదపాలు
దీనిపై తాజాగా టాలీవుడ్ నిర్మాత శ్రీనివాస కుమార్‌ (Producer SKN) ఆగ్రహం వ్యక్తం చేశారు. ఒక సినిమా ప్రేక్షకుల ముందుకు రావాలంటే ఎంతో మంది ఏళ్ల తరబడి కష్టపడతారని అన్నారు. అంతమంది కష్టాన్ని కొందరు ఇంట్లో కూర్చొని దోచేస్తున్నారని వాపోయారు. సినిమా వెనక కొన్ని వేల మంది శ్రమ దాగి ఉంటుందని.. కానీ కొందరు మాత్రం ఆ శ్రమను గుర్తించకుండా దోపిడీ చేస్తున్నారని ఫైర్ అయ్యారు. పైరసీ బూతాన్ని అందరూ కలిసి పారద్రోలాలని పిలుపునిచ్చారు.
This is unacceptable. A film that was released just 4-5 days ago being telecasted on local cable channels & Buses raises serious concerns. Cinema is not just about the Hero, director or producers – it’s the result of 3-4 years of hard work, dedication and the dreams of thousands… https://t.co/ukPHIpi6ko
— SKN (Sreenivasa Kumar) (@SKNonline) January 15, 2025
Desk
swarna boddula
