తెలంగాణ కాంట్రాక్ట్ ఉద్యోగులకు శుభవార్త! రేవంత్ రెడ్డి సర్కార్ కీలక నిర్ణయం..

తెలంగాణ( Telangana)లో పంచాయతీ రాజ్, గ్రామీణాభివృద్ధి శాఖలో కాంట్రాక్టు, అవుట్ సోర్సింగ్(Contract Employees) పద్ధతిలో పనిచేస్తున్న ఉద్యోగులకు రాష్ట్ర ప్రభుత్వం(Government ) శుభవార్తను(Good News) అందించింది. మొత్తం 12,055 మంది ఉద్యోగుల సేవలను మరో ఏడాది పాటు పొడిగిస్తూ తెలంగాణ ప్రభుత్వం ఉత్తర్వులు జారీ చేసింది.

ఈ జీవోను ముఖ్యమంత్రి రేవంత్ రెడ్డి(Revanth Reddy) నేతృత్వంలోని కాంగ్రెస్ ప్రభుత్వం ప్రకటించగా, ఇది ఉద్యోగుల్లో ఆనందాన్ని కలిగించింది. వీరిలో ఫిక్స్‌డ్ టెన్యూర్, కాంట్రాక్ట్, అవుట్‌సోర్స్ విధానాల్లో పని చేస్తున్నవారు ఉన్నారు. వచ్చే ఏడాది మార్చి 31వ తేదీ వరకు ఈ సేవల పొడిగింపు అమల్లో ఉండబోతోంది.

ఇటీవల ఉద్యోగుల సేవల పొడిగింపు గడువు ముగియడంతో, సాంకేతిక కారణాల వల్ల వారి జీతాల ప్రాసెసింగ్ నిలిచిపోయింది. అయితే, తాజా జీవోతో ఆ సమస్య కూడా పరిష్కారమైంది. గత మూడు నెలల పెండింగ్ జీతాల ప్రాసెస్ పూర్తికానుంది. ఇప్పటికే ఆర్థిక శాఖ నుంచి పంచాయతీరాజ్ శాఖకు నిధులు విడుదల కాగా, త్వరలోనే జీతాలు ఉద్యోగుల ఖాతాల్లో జమ కానున్నాయి.

ఈ నిర్ణయంతో రాష్ట్రవ్యాప్తంగా పనిచేస్తున్న కాంట్రాక్ట్ ఉద్యోగులు హర్షం వ్యక్తం చేశారు. తమ కుటుంబాలు ఆర్థికంగా తీవ్ర ఒత్తిడిని ఎదుర్కొన్నాయని, ఇప్పుడు ప్రభుత్వం తీసుకున్న నిర్ణయం వారికి ఊపిరిపీల్చుకునేలా చేసిందని తెలిపారు. సీఎం రేవంత్ రెడ్డికి, ప్రభుత్వం తీసుకున్న నిర్ణయానికి ఉద్యోగులు ధన్యవాదాలు తెలుపుతున్నారు.