Desk
పవర్ స్టార్ పవన్ కళ్యాణ్(Pawan Kalyan) నటించిన భారీ హిస్టారికల్ డ్రామా ‘హరిహర వీరమల్లు(Hari Hara Veera Mallu)’ ఇప్పుడు ఓటీటీ ప్లాట్ఫామ్లోకి అడుగుపెట్టింది. ఈ చిత్రం ఈరోజు నుంచి అమెజాన్ ప్రైమ్ వీడియో(Amazon Prime Video)లో స్ట్రీమింగ్ అవుతోంది. ప్రస్తుతం ఓటీటీలో ట్రిమ్మింగ్ వెర్షన్ అందుబాటులోకి వచ్చింది. జ్యోతికృష్ణ(Jyothi Krishna) దర్శకత్వం వహించిన ఈ ప్రతిష్ఠాత్మక చిత్రాన్ని ఏఎం రత్నం నిర్మించారు. పాన్-ఇండియా స్థాయిలో జులై 24న ప్రేక్షకుల ముందుకు వచ్చిన ఈ సినిమా, ఇప్పుడు తెలుగుతో పాటు తమిళ, మలయాళ భాషల్లోనూ ఓటీటీ(OTT)లో అందుబాటులోకి వచ్చింది. దీంతో థియేటర్లలో చూడలేకపోయిన అభిమానులు, సినీ ప్రియులు సినిమాను ఇంట్లోనే వీక్షించేందుకు అవకాశం లభించింది.
#HariHaraVeeraMallu
Digital premieres from today on @PrimeVideoIN 💥💥#HariHaraVeeraMalluOnPrime #PawanKalyan #NidhiAgerwal @MegaSuryaProd @mmkeeravaani pic.twitter.com/7le718mSxe— Bharat Talkies (@BharatTalkies) August 20, 2025
అన్యాయాలకు వ్యతిరేకంగా వీరమల్లు పోరాటం
16వ శతాబ్దం నాటి మొఘల్ చక్రవర్తి ఔరంగజేబు పాలనలో ప్రజలు ఎదుర్కొంటున్న అన్యాయాలకు వ్యతిరేకంగా పోరాడే వీరమల్లు అనే బందిపోటు కథే ఈ చిత్రం. కోహినూర్ వజ్రాన్ని దక్కించుకునే క్రమంలో వీరమల్లు చేసే సాహసాలు ఈ చిత్రంలో ఆసక్తికరంగా ఉంటాయి. ఈ చిత్రంలో పవన్ కల్యాణ్కు జోడీగా నిధి అగర్వాల్(Nidhi Agarwal) నటించగా, ఔరంగజేబు పాత్రలో బాలీవుడ్ నటుడు బాబీ డియోల్(Bobby Deol) కనిపించారు. నోరా ఫతేహి, నర్గీస్ ఫక్రీ, సత్యరాజ్ వంటి ప్రముఖ నటీనటులు ఇతర కీలక పాత్రల్లో నటించారు. రెండు భాగాలుగా వస్తున్న ఈ చిత్రంలో మొదటి భాగం ‘స్వోర్డ్ అండ్ స్పిరిట్’ పేరుతో విడుదల కాగా, రెండో భాగం షూటింగ్ దశలో ఉన్నట్లు సమాచారం.
admin
swarna boddula
