Desk
ఆగ్నేయ బంగాళాఖాతంలో ఏర్పడిన అల్పపీడన ద్రోణి ప్రభావంతో ఆంధ్రప్రదేశ్(AP), తెలంగాణ(Telangana) రాష్ట్రాల్లో భారీ నుంచి అతి భారీ వర్షాలు(Heavy Rains) కురుస్తున్నాయి. ఈ ద్రోణి పశ్చిమ వాయవ్య దిశగా కదులుతూ శ్రీలంక, తమిళనాడు తీరాల సమీపంలో నైరుతి బంగాళాఖాతం(Bay of Bengal)లో కేంద్రీకృతమైందని భారత వాతావరణ శాఖ (IMD) తెలిపింది. ఈ ప్రభావంతో శని, ఆదివారాల్లో (జులై 26, 27) రెండు తెలుగు రాష్ట్రాల్లో విస్తృతంగా వర్షాలు కురుస్తాయని పేర్కొంది. ఇప్పటికే APలో దక్షిణ కోస్తా, రాయలసీమ ప్రాంతాల్లోని నెల్లూరు, తిరుపతి, చిత్తూరు, కడప, ప్రకాశం, గుంటూరు, కృష్ణ, బాపట్ల జిల్లాల్లో భారీ వర్షాలు కురుస్తున్నాయి. అటు ఉత్తరాంధ్రలో విశాఖపట్నం, అనకాపల్లి, శ్రీకాకుళం, పార్వతీపురం మన్యం జిల్లాల్లో తేలికపాటి నుంచి మోస్తరు వర్షాలు నమోదయ్యాయి.
)
మత్స్యకారులు వేటకు వెళ్లొద్దు: సీఎం చంద్రబాబు
తెలంగాణ(Telangana)లో హైదరాబాద్‌తో సహా రంగారెడ్డి, మేడ్చల్, సంగారెడ్డి, నిజామాబాద్, ఆదిలాబాద్ జిల్లాల్లో జోరుగా వర్షం కురుస్తోంది. కొన్ని ప్రాంతాల్లో 20 సెంటీమీటర్లకు పైగా వర్షపాతం నమోదై, ఆకస్మిక వరదలు ముంచెత్తుతున్నాయి. వాతావరణ శాఖ హెచ్చరికల నేపథ్యంలో రాష్ట్ర ప్రభుత్వాలు అప్రమత్తమయ్యాయి. ఆంధ్రప్రదేశ్‌లో సీఎం చంద్రబాబు(CM Chandrababu) అధికారులతో సమీక్ష నిర్వహించి, లోతట్టు ప్రాంతాల్లో అప్రమత్తంగా ఉండాలని ఆదేశించారు. మత్స్యకారులు సముద్రంలోకి వేటకు వెళ్లవద్దని సూచించారు.
వర్ష ప్రభావిత ప్రాంతాల్లో సహాయక చర్యలు
అటు తెలంగాణలోనూ సీఎం రేవంత్(CM Revanth Reddy) ఆదేశాలతో జిల్లా కలెక్టర్లు వర్ష ప్రభావిత ప్రాంతాల్లో సహాయక చర్యలు చేపట్టారు. రోడ్లపై నీరు నిలిచి ట్రాఫిక్ సమస్యలు(Traffic Issues) తలెత్తాయి.ఈ అల్పపీడన ద్రోణి తుఫానుగా మారే సూచనలు ఉన్నందున మరింత జోరుగా వర్షాలు కురిసే అవకాశం ఉందని వాతావరణ శాఖ అంచనా వేసింది. రైతులు, సాధారణ ప్రజలు అప్రమత్తంగా ఉండాలని, వర్షం వల్ల పంట నష్టం, ఆస్తి నష్టం జరగకుండా ముందస్తు చర్యలు తీసుకోవాలని అధికారులు సూచిస్తున్నారు.
swarna boddula
