admin
చైనాలో కలకలం సృష్టిస్తున్న హ్యూమన్ మెటా న్యుమో వైరస్ (HMPV) భారత్లో చాపకింద నీరులా విస్తరిస్తోంది. సోమవారం ఒక్కరోజే ఏకంగా 7 కేసులు నమోదయ్యాయంటే ఇది ఎంత వేగంగా విస్తరిస్తుందో అర్థం చేసుకోవచ్చు. గుజరాత్లో 1, కర్ణాటక, నాగ్పుర్, తమిళనాడుల్లో రెండేసి హెచ్ఎంపీవీ కేసులు రికార్డ్ అయినట్లు అధికారులు తెలిపారు. అయితే ఈ వైరస్ బారిన పడిన వారందరూ నెలల పసి బిడ్డలే కావడం గమనార్హం.
ఇది పాత వైరస్.. భయం వద్దు
కేసులు (HMPV Cases In India) పెరుగుతుండటంతో ప్రజలంతా భయభ్రాంతులకు గురవుతున్నారు. ఈ నేపథ్యంలో అలర్ట్ అయిన కేంద్రం కీలక ప్రకటన జారీ చేసింది. ఇది పాత వైరస్ అని, దీనివల్ల ఆందోళన చెందాల్సిన అవసరం లేదని సూచించింది. కానీ బయటకు వెళ్లినప్పుడు మాస్కు తప్పనిసరిగా ధరించాలని పేర్కొంది. స్వీయ జాగ్రత్తలే శ్రీరామరక్ష అని వెల్లడించింది. దేశంలోని పరిస్థితులను ఎప్పటికప్పుడు ఆరోగ్యశాఖతో పాటు ఐసీఎంఆర్‌, ఎన్‌సీడీసీ నిశితంగా గమనిస్తున్నాయని కేంద్ర ఆరోగ్యశాఖ మంత్రి జేపీ నడ్డా తెలిపారు.
భారత్ లోకి ఎలా వచ్చింది?
సోమవారం రోజున బెంగళూరులో ఇద్దరు పసికందులు (ఒక ఆడ, ఒక మగ బిడ్డ) శ్వాసకోశ సంబంధిత సమస్యలతో ఓ ప్రైవేట్ ఆసుపత్రిలో చేరారు. వారికి వైద్యులు నిర్వహించిన పరీక్షల్లో హెచ్ఎంపీవీ వైరస్ సోకినట్లు తేలింది. మరోవైపు చైన్నైలో జ్వరం, జలుబు, దగ్గుతో బాధపడుతున్న మరో ఇద్దరు శిశువులకు ఈ వైరస్ సోకినట్లు గుర్తించారు. రాజస్థాన్కు చెందిన 2 నెలల శిశువు కూడా ఈ వైరస్ బారిన పడగా వీరందరికి ప్రస్తుతం చికిత్స అందిస్తున్నారు. ఈ పసికందుల ఆరోగ్యం నిలకడగా ఉందని వైద్యులు చెబుతున్నారు. ఈ శిశువులు, వీరి తల్లిదండ్రులు ఎవరూ విదేశీ ప్రయాణాలు చేయలేదు. మరి ఈ వైరస్ ఎలా భారత్లోకి వచ్చిందనేదానిపై అధికారులు ఆరా తీస్తున్నారు.
Desk
swarna boddula
