తెలుగు సినీ ఇండస్ట్రీలో ఎనలేని గుర్తింపు తెచ్చుకున్న యంగ్ టైగర్ జూనియర్ ఎన్టీఆర్(Jr NTR) గురించి ప్రత్యేకంగా చెప్పాలిసిన పనిలేదు. ఆయనలోని ఎనర్జీ, డెడికేషన్, డైలాగ్ డెలివరీ, డ్యాన్సింగ్ స్కిల్స్ ,నటనతో మాస్, క్లాస్ ఆడియన్స్తో పాటు ఎంతో మంది అభిమానులను సొంతం చేసుకున్నాడు.
తాజాగా ఎన్టీఆర్ తన అభిమానులను మరోసారి ఆకట్టుకున్నారు. ఆయన తొలిసారిగా ముఖచిత్రంతో కూడిన ప్రముఖ మాగజైన్(magazine cover) ‘ఎస్కైర్ ఇండియా’( Esquire India) తాజా సంచిక మార్కెట్లోకి విడుదలైంది. దుబాయ్లో జరిగిన ఫొటోషూట్లో తీసిన కవర్ ఫొటో ప్రస్తుతం సోషల్ మీడియాలో వైరల్గా మారింది.
He’s charismatic. He’s sharp. He’s one of the biggest names in Indian cinema. For a man born into a powerful legacy, NTR (@tarak9999) is uninterested in being defined by it. We celebrate his journey with our August issue, which happens to be his first-ever magazine cover. pic.twitter.com/XzNFoq2g32
— Esquire India (@esquire_india) August 5, 2025
ఈ సందర్భంగా ఎస్కైర్ ఇండియాతో మాట్లాడుతూ ఎన్టీఆర్ తన జీవితంపై కొన్ని ఆసక్తికరమైన విషయాలు పంచుకున్నారు. “నా జీవితంలో నేను ఏదీ ముందుగా ప్లాన్ చేసుకోలేదు. కుంగ్ ఫూ పాండా సినిమాలోని ఒక మాట నాకు చాలా ఇష్టం — ‘నిన్నటి రోజు చరిత్ర, రేపటి రోజు మర్మం, కానీ ఈ రోజు మన చేతిలో ఉన్న గొప్ప బహుమతి.’ ఈ మాట నా మనసులో గాఢంగా నాటుకుపోయింది. అందుకే నేను ఎప్పుడూ వర్తమానంపై దృష్టి పెడతాను” అని అన్నారు.
తన సినీ వారసత్వం గురించి ప్రశ్నించగా, “ఆ విషయం వ్యక్తిగతం. దానిపై నేను ఎలాంటి ప్లాన్ చేయను. ప్రేక్షకుల మనసులో నిలిచిపోయే కథలు చెబుతూనే ఉండటం నా లక్ష్యం. నిజాయితీ, భావోద్వేగాలతో నిండిన వ్యక్తిగా నన్ను గుర్తుంచుకోవాలని నా కోరిక” అని తారక్ స్పష్టం చేశారు.
During our latest cover shoot, NTR (@tarak9999), the 42-year-old stood tall amongst the skyscrapers, with the Dubai skyline behind him. NTR is photographed at the Ocean Terrace Suite at the Jumeirah Marsa Al Arab in Dubai. pic.twitter.com/UzLnGm92BY
— Esquire India (@esquire_india) August 5, 2025
ప్రస్తుతం జూనియర్ ఎన్టీఆర్ వరుస సినిమాలతో బిజీగా ఉన్నాడు. వార్ 2 సినిమాతో బాలీవుడ్ ప్రేక్షకులను మంత్రముగ్దులను చేయబోతున్నాడు. ఈ సినిమా (ఆగష్టు 14) ఈ నెల 14న విడుదల కానుంది. ఆ తర్వాత దేవర 2 షూటింగ్ స్టార్ట్ చేయనున్నాడు. అలాగే ప్రశాంత్ నీల్ డైరెక్షన్లో రూపొందుతున్న మాస్ యాక్షన్ ఎంటర్టైనర్లో డిఫరెంట్ గెటప్లో కనిపించనున్నాడు.






