IPL Mega Auction 2025: ఐపీఎల్​చరిత్రలోనే పంత్​కు రికార్డు ధర.. ఎంతంటే?

IPL 2025 Mega Auction: ఐపీఎల్ వేలంలో టీమిండియా వికెట్​కీపర్​రిషభ్​పంత్​కు (Rishabh Pant) రికార్డు ధర లభించింది. అతడిని లక్నో సూపర్ జెయింట్స్ జట్టు ఏకంగా రూ.27 కోట్ల భారీ ధర పెట్టి కొనుగోలు చేసింది. దీంతో ఐపీఎల్​ చరిత్రలోనే అత్యధిక ధర దక్కించుకున్న ఆటగాడిగా పంత్​ నిలిచాడు. అతడి కోసం లఖ్​నవూ, బెంగళూరు జట్లు తీవ్రంగా పోటీ పడగా.. చివరకు లఖ్​నవూ రికార్డు ధరకు దక్కించుకుంది.

శ్రేయస్​ అయ్యర్​కు రూ.26.75 కోట్లు
ఇక ఇదే ఆక్షన్‌లో శ్రేయస్ అయ్యర్ ను (shreyas iyer) పంజాబ్​కింగ్స్​రూ.26.75 కోట్లకు దక్కించుకుంది. కనీస ధర రూ.2 కోట్లు అతడి కోసం మొదట కోల్​కతా, ఢిల్లీ ఫ్రాంచైజీలు పోటీ పడగా.. ఆ తర్వాత రేసులోకి వచ్చిన పంజాబ్​కింగ్స్​ రూ.26.75 కోట్లు పెట్టి ఎగరేసుకుపోయింది.

రాహుల్​కు 14 కోట్లు, చాహల్​కు 18 కోట్లు
ఇక మరో కీపర్​కేఎల్​రాహుల్​ను (KL Rahul) ఢిల్లీ జట్టు రూ.14 కోట్ల ధరకు సొంతం చేసుకుంది. రిషబ్ పంత్‌ను వదిలేసిన ఢిల్లీ.. కెప్టెన్సీ చేసే సత్తా ఉన్న ప్లేయర్ కోసం వెతికి కేఎల్​రాహుల్​కు దక్కించుకుంది. యుజ్వేంద్ర చాహల్ ను (Yuzvendra Chahal) పంజాబ్ కింగ్స్ ఏకంగా రూ.18 కోట్లు పెట్టి కొనుగోలు చేసింది.పంత్, అయ్యర్, చాహల్​కు పెట్టిన ధర చూస్తే రాహుల్​కు తక్కువ ధర పలికారని చర్చ నడుస్తోంది.