Desk
గాజా(Gaza)లో మరోసారి భయానక వాతావరణం నెలకొంది. ఇజ్రాయెల్ దళాలు గాజాలోని పలు ప్రాంతాలపై భీకర వైమానిక దాడులు(Israel Airstrikes) కొనసాగిస్తున్నాయి. తాజాగా జరిపిన దాడుల్లో 103 మంది మరణించారు. వీరిలో ఒకే కుటుంబానికి చెందిన తొమ్మిది మంది ఉండటం గమనార్హం. మరోవైపు ఈ దాడుల్లో నిరాశ్రయులు తలదాచుకుంటున్న నివాసాలు(Residents), శిబిరాలు లక్ష్యంగా మారడంతో పెద్ద ఎత్తున ప్రాణనష్టం సంభవించింది.
కాగా నిన్న 141 మంది చనిపోగా ఇవాళ మరణించిన వారితో కలిపి రెండ్రోజుల్లోనే 204 మంది పాలస్తీనియన్లు మరణించినట్లు గాజా ఆరోగ్య మంత్రిత్వ శాఖ(Gaza Heath Deparment) వెల్లడించింది. మరో 450 మంది తీవ్రంగా గాయపడ్డారని పేర్కొంది.
సీజ్‌ఫైర్‌కు నిరాకరించడంతోనే..
అలాగే మార్చి 18న కాల్పుల విరమణ ఒప్పందం ఉల్లంఘన(Ceasefire)కు గురైనప్పటి నుంచి ఇప్పటివరకు మూడు వేల మందికి పైగా పాలస్తీనియన్లు మరణించినట్లు పేర్కొంది. ఈ దాడుల నేపథ్యంలో ఇజ్రాయెల్ ప్రధాని బెంజమిన్ నెతన్యాహు(Israeli PM Benjamin Netanyahu) ఇటీవల కీలక వ్యాఖ్యలు చేశారు. కాల్పుల విరమణ ఒప్పందాన్ని కొనసాగించేందుకు హమాస్(Hamas) నిరాకరించడం వల్లే దాడులను తీవ్రతరం చేయాల్సి వచ్చిందని ఆయన తెలిపారు.
admin
swarna boddula
