admin
ప్రస్తుతం ప్రపంప వ్యాప్తంగా స్మార్ట్ ఫోన్(Smart Phones) వాడే వారి సంఖ్య విపరీతంగా పెరిగిపోయింది. అలాగే ఇండియా(India)లోనూ వీరి సంఖ్య భారీగానే ఉంది. యూజర్లు(Users( తమ అరచేతిలోనే ప్రపంచాన్ని చుట్టేస్తున్నారు. చిన్నాపెద్దా, చదువున్న, లేకున్నా ప్రతిఒక్కరికి ఫోన్ ఓ వ్యసనంగా మారిపోయింది. ఇక ప్రతి ఫోన్‌లో తప్పనిసరిగా ఉండే యాప్ యూట్యూబ్(YouTube). అందులో వేలకొద్దీ వీడియో కంటెంట్(Video Content) నిత్యం ఎంతో మందికి ఏదో ఒక విధంగా ఉపయోగపడుతోంది. అయితే కొన్ని వీడియో కంటెంట్లు చూడాలంటే మాత్రం ప్రీమియం సబ్‌స్క్రిప్షన్(Premium subscription) ఉండాల్సిందే. సరిగ్గా ఇలాంటి వారి కోసమే జియో ఓ ఆకట్టుకునే ప్లాన్‌తో ముందుకొచ్చింది. ఇంతకీ ఆ స్పెషల్ ప్లాన్(Jio Special Plan) ఏంటంటే..
యూజర్లను ఆకట్టుకునేందుకు
భారతదేశ టెలికం మార్కెట్ రంగంలో రిలయన్స్ జియో(Reliance JIO) ఒక సంచలనం. ఓ రకంగా చెప్పాలంటే దేశంలో మొబైల్ ఇంటర్నెట్(Mobile Internet) విప్లవానికి కారణం జియోనే అంటూ కొంత మంది నిపుణులు చెబుతూ ఉంటారు. అదే క్రమంలో యూజర్లను ఆకట్టుకునేందుకు ఎప్పటికప్పుడు కొత్త ప్లాన్స్, ఆఫర్లు ప్రకటిస్తూ క్యాష్ చేసుకుంటోంది. అందులో భాగంగానే యాడ్ ఫ్రీ యూట్యూబ్(Ad Free YouTube)ను ఎక్స్‌పీరియన్స్ చేయాలంటే యూట్యూబ్ ప్రీమియం సబ్‌స్క్రిప్షన్ తీసుకోవాల్సి ఉంటుంది. అయితే తాజాగా జియో తన పోస్ట్ పెయిడ్, జియో ఎయిర్ ఫైబర్(Jio Air Fiber) వినియోగదారులకు రెండేళ్ల పాటు ఫ్రీ(Free)గా యూట్యూబ్ ప్రీమియం సబ్‌స్క్రిప్షన్ అందిస్తున్నట్లు ప్రకటించింది.
ఈ ఆఫర్ పొందాలంటే ఇలా చేయండి
ఈ ఆఫర్ జియో ఎయిర్ ఫైబర్, జియో ఫైబర్ పోస్ట్‌పెయిడ్(Jio Fiber Postpaid) వినియోగదారులకు అందుబాటులో ఉంటుంది. రూ.888, రూ.1199, రూ.1499, రూ.2499, రూ.3499 ప్లాన్‌లను యాక్టివేట్ చేసుకుంటే యూట్యూబ్ ప్రీమియం అనుభవాన్ని ఆస్వాదించవచ్చు. ఇందుకోసం ముందుగా పైన పేర్కొన్న ప్లాన్స్‌లో ఏదో ఒక ప్లాన్‌ను యాక్టివేట్ చేసుకోవాలి. అనంతరం మై జియో యాప్‌లో మీ అకౌంట్‌లో లాగిన్ అవ్వాలి. అక్కడ పేజీలో కనిపించే యూట్యూబ్ ప్రీమియమ్ బ్యానర్‌పై క్లిక్ చేయాలి. ఆ తర్వాత మీ యూట్యూబ్ ఖాతా(YouTube account)తో లాగిన్ అవ్వాల్సి ఉంటుంది. అదే వివరాలతో జియో ఫైబర్ లేదా జియో ఎయిర్ ఫైబర్ సెటప్ టాప్ బాక్స్‌(Setup box)లో లాగిన్ అయితే వెంటే యూట్యూబ్ యాడ్-ఫ్రీ కంటెంట్‌ను వీక్షించవచ్చు.
Desk
swarna boddula
