NTR: బాలీవుడ్‌ ఎంట్రీపై తారక్ ఏమన్నారంటే?

యంగ్ టైగర్ జూనియర్ ఎన్టీఆర్(NTR) తన బాలీవుడ్ అరంగేట్ర చిత్రం ‘వార్ 2(War2)’ గురించి ఎట్టకేలకు స్పందించారు. ఈ ప్రతిష్ఠాత్మక ప్రాజెక్టులో నటించడానికి తాను ఎందుకు అంగీకరించారో వెల్లడించారు. బాలీవుడ్ స్టార్ హృతిక్ రోషన్‌(Hrithik Roshan)తో కలిసి నటిస్తున్న ఈ సినిమాపై ఇప్పటికే భారీ అంచనాలు నెలకొన్నాయి. ఈ నెల 14న మూవీ ప్రేక్ష‌కుల ముందుకు రానుంది. ఈ నేప‌థ్యంలో ప్ర‌ముఖ మ్యాగ‌జైన్‌ ‘ఎస్క్వైర్‌ ఇండియా(Esquire India)’ తాజాగా ఎడిష‌న్ క‌వ‌ర్‌పేజీపై తార‌క్ ఫొటోను ముద్రించింది. ఆ మ్యాగ‌జైన్‌కు ఇచ్చిన ఇంట‌ర్వ్యూలో ఎన్టీఆర్ ప‌లు ఆస‌క్తిక‌ర విష‌యాల‌ను పంచుకున్నారు. ఈ నేపథ్యంలో ఎన్టీఆర్ చేసిన వ్యాఖ్యలు సినిమాపై మరింత ఆసక్తిని పెంచుతున్నాయి.

ఒక నటుడిగా తనను తాను సవాల్ చేసుకునే పాత్రలో నటించాలనే ఉద్దేశంతోనే ఈ సినిమాకు అంగీకరించినట్లు ఎన్టీఆర్ వివరించారు. అందుకు ‘వార్ 2’ స్క్రిప్ట్ క‌రెక్ట్‌గా అనిపించింద‌ని తెలిపారు. బ‌ల‌మైన క‌థ‌తో ఇది రూపొందిన‌ట్లు తార‌క్ చెప్పారు. “భారతీయ ప్రేక్షకులకు ఏదైనా కొత్త అనుభూతిని పంచే పాత్రతో హిందీ(Hindi)లో అడుగుపెట్టాలనుకున్నాను. ‘వార్ 2’లో నా పాత్ర ఆ కోవకు చెందిందే. ఇది నటుడిగా నాకు సవాల్ విసిరింది.

A versatile powerhouse of Indian cinema, Jr. NTR @tarak9999 anna recently made his first-ever magazine cover debut, front page of Esquire India. This stylish appearance is generating significant buzz, especially highly anticipated Bollywood debut in “War 2” . pic.twitter.com/gtob97ZCNP

— Chandu Gowrabathini (@Chandu090427) August 6, 2025

ఇక‌, ఈ సినిమాలో భాష‌తో సంబంధం లేకుండా అంద‌రూ క‌లిసి ప‌నిచేశారు. ఇక‌పై బాలీవుడ్‌, టాలీవుడ్‌, మాలీవుడ్, కోలీవుడ్ అనేవి వుండవు. మన‌మంతా ఒక్క‌టే ఇండ‌స్ట్రీ. భార‌తీయ చిత్ర ప‌రిశ్ర‌మ‌గా గుర్తించాలి. ఇదే విష‌యాన్ని గ‌తంలో రాజ‌మౌళి కూడా చెప్పారు. ఎంచుకున్న క‌థ‌ను ప్రేక్ష‌కుల‌కు న‌చ్చేలా చూపించాలంతే” అని NTR ఇంటర్వ్యూలో పేర్కొన్నారు. కియారా అద్వాణీ(Kiara Advani) హీరోయిన్‌గా నటిస్తున్న ఈ సినిమాను యశ్ రాజ్ ఫిల్మ్స్(Yash Raj Films) బ్యానర్ పై అయాన్ ముఖర్జీ(Ayan Mukherjee) డైరెక్ట్ చేశారు. కాగా ప్రపంచవ్యాప్తంగా ఈ చిత్రంపై భారీ అంచనాలున్నాయి.