కేసీఆర్​కు షాక్.. కాళేశ్వరం విచారణ కమిషన్​ నోటీసులు

బీఆర్​ఎస్​ అధ్యక్షుడు కేసీఆర్​(KCR)కు షాక్. కాళేశ్వరం ప్రాజెక్టు(Kaleshwaram Project)లో జరిగిన అవకతవకలపై విచారణ చేపడుతున్న కమిషన్ తాజాగా ఈ వ్యవహారంలో ఆయనకు​ నోటీసులు జారీ చేసింది. కేసీఆర్​తో పాటు మాజీ మంత్రి, బీఆర్ఎస్ ఎమ్మెల్యే హరీశ్​ రావు, ఎంపీ ఈటల రాజేందర్​లకు జస్టిస్​ పీసీ ఘోష్​ కమిషన్​ నోటీసులు ఇచ్చింది.

హరీశ్, ఈటలకు కూడా

కేసీఆర్​ హయాంలో నీటిపారుదల శాఖ మంత్రిగా హరీశ్ ​రావు (Harish Rao) పని చేసిన విషయం తెలిసిందే. ఇక బీఆర్ఎస్ ప్రభుత్వ​ హయాంలో ఆర్థిక శాఖ మంత్రిగా ఈటల రాజేందర్​ (Eatala Rajendar) విధులు నిర్వహించారు. ఈ నేపథ్యంలో జస్టిస్​ పీసీ ఘోష్​ కమిషన్​ ఎదుట హాజరుకావాలని ఈ ముగ్గురు నేతలకు సమన్లు జారీ అయ్యాయి. వీరు హాజరయ్యేందుకు 15 రోజులు గడువును జస్టిస్​ పీసీ ఘోష్​ కమిషన్​ ఇచ్చింది.

ఏడాది నుంచి విచారణ

కాళేశ్వరం కమిషన్ (Kaleshwaram Enquiry Commission) ఏడాది కాలంగా ఎంతో మంది అధికారులను విచారించి వారి స్టేట్మెంట్ల ఆధారంగా రిపోర్టును సిద్ధం చేసింది. మరో వారంలో ప్రభుత్వానికి సమర్పించాల్సి ఉండగా.. అనుహ్యంగా కమిషన్ గడువును ప్రభుత్వం మరో రెండు నెలలు పొడగించింది. ఎందుకంటే అధికారులు అందరూ కాళేశ్వరం తప్పిదానికి కేసీఆర్ ని బాధ్యుడిగా చేస్తూ వాంగ్మూలం ఇచ్చారు. నాటి సీఎం కేసీఆర్ చెప్పిన విధంగా చేశామని అంగీకరించారు.

ఏక పక్షంగా రిపోర్టు ఉండరాదని..

ఈ క్రమంలోనే కేసీఆర్ ని బాధ్యుడిని చేస్తూ కాళేశ్వరం కమిషన్ రిపోర్టు సిద్ధం చేయగా.. కేసీఆర్ వాదనలు వినకుండా ప్రభుత్వానికి నేరుగా రిపోర్టు ఇస్తే.. ఒకవేళ కేసీఆర్ కోర్టుకు వెళితే ప్రభుత్వానికి చెడ్డపేరు వస్తుందని భావించిన పీసీ ఘోష్ కమిషన్.. కేసీఆర్, ఈటల, హరీశ్ రావులను కూడా విచారించి వారి వాంగ్మూలం తీసుకున్నాకే తుదిరిపోర్టు ఇవ్వాలని నిర్ణయించుకుంది.ఈ క్రమంలోనే మంగళవారం ఆ ముగ్గురికి నోటీసులు జారీ చేయడం గమనార్హం.

Related Posts

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *