admin
Mana Enadu : బీఆర్ఎస్ పార్టీ కార్యనిర్వాహక అధ్యక్షుడు కేటీఆర్ (KTR) సోషల్ మీడియాలో చాలా యాక్టివ్ గా ఉంటారన్న విషయం తెలిసిందే. ప్రతిరోజు రాష్ట్రంలో జరుగుతన్న విషయాలపైన స్పందించడం, అధికార పక్షాన్ని ఎండగట్టడమే కాకుండా అప్పుడప్పుడు ఆయన తన వ్యక్తిగత జీవితానికి సంబంధించిన విషయాలను కూడా ఎక్స్ ద్వారా తన అభిమానులతో షేర్ చేసుకుంటూ ఉంటారు. తాజాగా ఆయన తన కుమారుడు హిమాన్షు తన పుట్టిన రోజు కోసం ప్రిపేర్ చేసిన ఓ సర్ ప్రైజ్ గిఫ్టును షేర్ చేసుకుని సంబురపడిపోయారు.
కేటీఆర్ పుట్టిన రోజు జులైలో జరిగింది. ఆయన బర్త్ డే కానుకగా అప్పుడే కల్వకుంట్ల హిమాన్షు ఓ పాటను పాడారు. యానిమల్‌ (Animal) మూవీలోని ‘ ఓ నాన్న నువ్వు నా ప్రాణం’ అనే పాటను రికార్డు చేశారు. అయితే అప్పుడు ఈ వీడియోను ఆయన ఎవరితోనూ షేర్ చేసుకోలేదు. తాజాగా కేటీఆర్ తన ఎక్స్ వేదికగా కుమారుడు తన పుట్టిన రోజుకు ఇచ్చిన గిఫ్ట్ ను షేర్ చేశారు. అయితే తాను పాడిన పాట బాగా రాలేదని భావించి హిమాన్షు (Himanshu Rao Song) ఇన్ని రోజులు ఈ వీడియోను ఎవరితోనూ పంచుకోలేదని కేటీఆర్ ఈ సందర్భంగా తెలిపారు.
The best Gift for me in what has been a difficult year
Thank you Binku @TheHimanshuRaoK ❤️ Loved the vocals
Apparently, my son recorded this for my birthday in July. But shied away from releasing it as he didn’t think it was good enough!!!
I’ve only heard it last week for… pic.twitter.com/NTIBgcxQAa
— KTR (@KTRBRS) December 28, 2024
‘‘నా సూర్యుడివి.. నా చంద్రుడివి.. నా దేవుడివి నువ్వే… నాన్నా..’’ అంటూ తండ్రికి పుట్టినరోజు శుభాకాంక్షలు తెలుపుతూ హిమాన్షు పాడిన పాటకు సంబంధించిన వీడియోను కేటీఆర్ ఎక్స్ లో పోస్టు చేశారు. ‘‘కాస్త కష్టంగా సాగిన ఈ ఏడాదిలో ఈ వీడియో నాకు ఉత్తమ బహుమతి. తండ్రిగా ఎంతో గర్వపడుతున్నా. థాంక్యూ బింకూ.’’ అంటూ క్యాప్షన్ రాసుకొచ్చారు. ఇక హిమమాన్షు గతంలో ఓ ఇంగ్లీష్‌ సాంగ్ ( గోల్డెన్‌ అవర్‌) ఆలపించి అందర్నీ మెప్పించిన విషయం తెలిసిందే.
Desk
swarna boddula
