admin
తెలుగు రాష్ట్రాల్లో సంచలనం సృష్టించిన మస్తాన్ సాయి వీడియోల కేసు (Masthan Sai Case)లో కీలక మలుపు చోటుచేసుకుంది. నిందితుడిపై ఫిర్యాదుతో పాటు ఎంతో మంది యువతులు, మహిళల ప్రైవేట్ వీడియోలున్న హార్డ్ డిస్కును రాజ్ తరుణ్ మాజీ లవర్ లావణ్య పోలీసులకు ఇచ్చిన విషయం తెలిసిందే. ఈ వ్యవహారంపై దర్యాప్తు చేస్తున్న పోలీసులకు లావణ్య మరికొన్ని ఆధారాలు సమర్పించినట్లు సమాచారం.
మస్తాన్ సాయి డ్రగ్స్ పార్టీ
మస్తాన్ సాయికి సంబంధించిన మరికొన్ని వీడియోలను లావణ్య పోలీసులకు ఇచ్చినట్లు తెలిసింది. ఈ వీడియోలు మస్తాన్ సాయి ఇంట్లో జరిగిన డ్రగ్స్ పార్టీ (Mastan Sai Drugs Case)కి సంబంధించినవని సమాచారం. ఈ పార్టీకి సంబంధించి వీడియోలతో పాటు ఫొటోలు కూడా లావణ్య లీక్ చేసింది. అయితే ఈ పార్టీలో కొంత మంది సినీ తారలు కూడా పాల్గొన్నట్లు తెలిసింది. ఇందులో గంజాయి సహా డ్రగ్స్ వాడినట్లు ఫొటోల్లో నిర్ధారణ అయినట్లు సమాచారం.
హాట్ టాపిక్ గా ఫొటో
ఇక అమ్మాయిలు, అబ్బాయిలు కలిసి పెద్ద ఎత్తున డ్రగ్స్ పార్టీలు చేసుకుంటున్నట్లుగా వీడియోలో ఉందని పోలీసు వర్గాల సమాచారం. అయితే ఈ డ్రగ్స్ పార్టీ ఎప్పుడు జరిగింది? అనే విషయం మీద మాత్రం లావణ్య ఎలాంటి క్లారిటీ ఇవ్వలేదట. పోలీసులకు ఆమె అందజేసిన ఒక ఫొటో మాత్రం ఇప్పుడు హాట్ టాపిక్ గా మారింది. అదేంటంటే..? డ్రగ్స్ వ్యవహారం గురించి ఉన్న న్యూస్ పేపర్ కటింగ్ పై డ్రగ్స్ పెట్టుకొని సేవిస్తున్నట్లుగా ఉంది. ఈ ఫొటో చూసి పోలీసులు షాక్ అయ్యారు. తమకే సవాల్ విసురుతున్న ఫొటోలా ఉందని భావిస్తున్నారు.
Desk
swarna boddula
