admin
పశ్చిమ చైనాలోని పర్వత ప్రాంతంలో ఇవాళ (మంగళవారం) ఉదయం భారీ భూకంపం (Tibet Earthquake) సంభవించింది. నేపాల్- టిబెట్ సరిహద్దుకు 93 కి.మీ దూరంలో ఉన్న లబుచె ప్రాంతంలో మంగళవారం ఉదయం 6.35 గంటలకు భూమి కంపించింది. ఈ భూకంపం ధాటికిి దాదాపు 32 మంది వరకు మరణించినట్లు చైనా ఎమెర్జెన్సీ మేనేజ్మెంట్ మంత్రిత్వ శాఖ ప్రకటించింది. దాదాపు 10 కిలోమీటర్ల లోతులో 7.1 తీవ్రతతో భూకంపం సంభవించిందని యూఎస్ జియోలాజికల్ సర్వే వెల్లడించింది. చైనా భూకంప పర్యవేక్షణ సంస్థ మాత్రం రిక్టర్ స్కేల్పై భూకంప తీవ్రత 6.8గా నమోదైందని పేర్కొనడం గమనార్హం.
నేపాల్లో 7.1 తీవ్రతతో భూకంపం
టిబెట్ లో వచ్చిన భూకంప తీవ్రతతో నేపాల్ (Nepal Earthquake) రాజధాని కాఠ్‌మాండూ సహా పలు జిల్లాల్లో ప్రకంపనలు చోటుచేసుకున్నాయి. టిబెట్ రాజధాని లాసా నుంచి 380 కి.మీ దూరంలో ఉన్న భూకంప కేంద్రం నుంచి 5 కి.మీ పరిధిలోనూ భూమి కంపించింది. ఈరోజు ఉదయం ఇక్కడ భూ ప్రకంపనలు రావడంతో ప్రజలు తీవ్ర భయాందోళనకు గురయ్యారు. వెంటనే ఇళ్లు, కార్యాలయాల నుంచి పరుగులు తీశారు. రిక్టర్ స్కేలుపై దీని తీవ్రత 7.1గా నమోదైనట్లు అధికారులు తెలిపారు. విపత్తు కారణంగా ఎలాంటి నష్టం వాటిల్లిందన్న దానిపై ఇప్పటివరకు అధికారులు ఎలాంటి సమాచారం ఇవ్వలేదు.
Desk
swarna boddula
