swarna boddula
మెగాస్టార్ చిరంజీవి(Chiranjeevi), నయనతార(Nayantara) కలిసి నటిస్తున్న తాజా చిత్రం ‘మెగా 157’. టాలెంటెడ్ డైరెక్టర్ అనిల్ రావిపూడి(Anil Ravipudi ) తెరకెక్కిస్తున్న ఈ మాస్ ఫ్యామిలీ ఎంటర్టైనర్ సినిమాను సంక్రాంతికి విడుదల చేయాలనే లక్ష్యంతో షూటింగ్ ను శరవేగంగా జరుపుతున్నారు. ఉగాది సందర్భంగా ప్రారంభమైన ఈ సినిమా ఇప్పటికే రెండు షెడ్యూల్స్ను పూర్తి చేసుకుంది.
ప్రస్తుతం కేరళలోని అలప్పుఝా ప్రాంతంలో మూడో షెడ్యూల్ కూడా ప్రారంభమైంది. ఈ నేపథ్యంలో షూటింగ్ స్పాట్ నుంచి ఓ వీడియో లీకైంది. ఈ వీడియో ఇప్పుడు సోషల్ మీడియాలో హల్చల్ చేస్తోంది.
అందమైన బ్యాక్డ్రాప్ మధ్య.. బోటులో చిరంజీవి, నయనతారపై ఓ పాటను చిత్రీకరిస్తున్న దృశ్యాలు అందులో కనిపించాయి. చిరంజీవి పంచె కట్టులో సంప్రదాయంగా కనిపించగా, నయనతార చీరలో చాలా అందంగా కనిపిస్తున్నారు. బోటు పూలతో అలంకరించబడి ఉండటంతో ఇది పెళ్లి సన్నివేశం కావచ్చని నెటిజన్లు కామెంట్స్ చేస్తున్నారు. మరి కొంతమంది ఫన్నీగా స్పందిస్తూ బోటులో ‘ఫస్ట్ నైట్ సీన్’ షూట్ చేస్తున్నారేమో అంటూ సరదా కామెంట్లు చేస్తున్నారు.
#Nayanthara & #Chiranjeevi from #Mega157. Shooting currently happening in Kerala #ChiruAnil pic.twitter.com/mmGgfUmYpE
— Nayan wings (@Nayan_Universal) July 18, 2025
admin
Desk
