swarna boddula
నందమూరి బాలకృష్ణ- మాస్ దర్శకుడు బోయపాటి శ్రీను కాంబోలో తెరకెక్కుతున్న కొత్త సినిమా “అఖండ 2”. గతంలో వీరిద్దరి కాంబినేషన్లో వచ్చిన “అఖండ” సినిమాకు సీక్వెల్గా వస్తున్న ఈ సినిమా పాన్ ఇండియా స్థాయిలో రూపొందుతోంది. ఈ సినిమాలో ప్రగ్యా జైస్వాల్, సంయుక్త మీనన్ హీరోయిన్లుగా నటిస్తున్నారు. ఇప్పటికే ఈ సినిమాపై భారీ అంచనాలు నెలకొన్నాయి. ఈ నేపథ్యంలో తాజాగా ఈ మూవీ టీజర్ రిలీజ్ చేశారు.
రేపు అనగా జూన్ 10 బాలకృష్ణ పుట్టిన రోజు కావడంతో ముందుగానే ఈ టీజర్ వదిలి నందమూరి అభిమానులకు కిక్కిచ్చారు మేకర్స్. ఈ వీడియోలో గూస్ బంప్స్ తెప్పించే సీన్లు ఉన్నాయి. తమన్ తన సంగీతంతో హోరెత్తించడానికి స్పష్టమవుతోంది. ఈ వీడియో చూస్తుంటే ఇది జస్ట్ శాంపిల్ మాత్రమే.. ముందు ముందు అప్ డేట్ల హవా మామూలుగా ఉండదని అర్థమవుతోంది. విడుదల చేసిన కాసేపట్లోనే ఈ టీజర్ వైరల్ గా మారింది.
“అఖండ 2” మేకింగ్ విషయంలో మేకర్స్ ఎక్కడా రాజీ పడటం లేదని, భారీ బడ్జెట్తో టెక్నికల్గా, విజువల్గా అన్ని విధాలుగా ఈ సినిమాను గ్రాండ్గా తెరకెక్కిస్తున్నారని తెలియడంతో ఈ సినిమాపై ఓ రేంజ్ హైప్ నెలకొంది. మాస్ యాక్షన్, పవర్ఫుల్ డైలాగ్స్ ఈ సినిమాలో హైలైట్ గా నిలుస్తాయట. 14 రీల్స్ ప్లస్ సంస్థ నిర్మిస్తున్న ఈ మోస్ట్ అవైటెడ్ మాస్ ఎంటర్టైనర్ను సెప్టెంబర్ 25న ప్రపంచవ్యాప్తంగా గ్రాండ్గా విడుదల చేయనున్నారు.
admin
Desk
