Narayana Murthy: వారానికి 70 గంటలు పనిచేయాల్సిందే.. సమర్థించుకున్న నారాయణమూర్తి

దేశ యువత కచ్చితంగా వారానికి 70 రోజులు పనిచేయాల్సిందేనని (70 hour workweek) ఇన్ఫోసిస్‌ (Infosys) సహ వ్యవస్థాపకుడు నారాయణమూర్తి మరోసారి బల్లగుద్ది చెప్పారు. భారత్​ మరింత అభివృద్ధి చెందాలంటే దేశ యువత వారానికి 70 గంటలు చొప్పున పని చేయాలని కొద్దిరోజుల క్రితం చేసిన వ్యాఖ్యలు పెద్ద చర్చకు దారితీసిన సంగతి తెలిసిందే. దీనిపై అప్పట్లో పారిశ్రామికవేత్తలు, టెకీలు భిన్నాభిప్రాయాలు వ్యక్తంచేశారు. యువత తీవ్రంగా వ్యతిరేకించారు.

తాజాగా ఈ పని వేళల అంశంపై నారాయణమూర్తి (Narayana Murthy) మరోసారి మాట్లాడి తన వ్యాఖ్యలను సమర్ధించుకున్నారు. వారానికి 70 గంటలు పని చేయకపోతే దేశంలో పేదరికాన్ని ఎలా అధిగమించగలమని ప్రశ్నించారు. కోల్‌కతాలో జరిగిన ఓ కార్యక్రమంలో నారాయణమూర్తి మాట్లాడుతూ.. ‘ఇన్ఫోసిస్‌ను మేం ప్రపంచవ్యాప్తంగా ఉన్న అత్యుత్తమ కంపెనీలతో పోలుస్తాం. అలా పోల్చుకున్నప్పుడే భారతీయులు చేయాల్సింది చాలా ఉందనిపిస్తుంది. మన దేశంలో ఇంకా 80కోట్ల మంది ఉచిత రేషన్‌ (free ration) అందుకుంటున్నారు. అంటే ఆ 80 కోట్ల మంది ఇంకా పేదరికంలో ఉన్నట్లే కదా. అందుకే మన ఆశలు, ఆకాంక్షలను ఉన్నతంగా ఉంచుకోవాలి. వారానికి 70 గంటలు పని చేయలేకపోతే మనం ఎలా ఈ పేదరికాన్ని అధిగమించగలం? ’ అని అన్నారు. దేశ భవిష్యత్తు కోసం కలసికట్టుగా బాధ్యత వహించాలన్నారు.

ఇన్ఫోసిస్​ మాజీ సీఎఫ్ఓ మోహన్‌దాస్ పాయ్ హోస్ట్‌గా వ్యవహరించిన ఓ పాడ్‌కాస్ట్ మొదటి ఎపిసోడ్‌లో నారాయణ మూర్తి (Narayana Murthy) పాల్గొన్నారు. అక్కడే ఈ పని గంటలపై మాట్లాడారు. దీంతో ఈ అంశంపై తీవ్ర చర్చ సాగింది. నారాయణమూర్తి ఆ వ్యాఖ్యలు ఎందుకు చేశారో ఆయన సతీమణి సుధా మూర్తి (Sudha Murthy) వివరించే ప్రయత్నం చేశారు. నారాయణమూర్తి అప్పట్లో అలానే పనిచేసేవారని.. ఇప్పుడూ అదే నమ్ముతారని అన్నారు.

  • Related Posts

    Gold & Silver Price: భారీగా పెరిగిన బంగారం, వెండి ధరలు

    బంగారం ధరలు (Gold Rate) భారీగా పెరిగాయి. అంతర్జాతీయ, జియోపాలిటికల్ పరిణామాల నేపథ్యంలో ఈ పెరుగుదల నమోదైంది. ఇండియా-అమెరికా మధ్య టారిఫ్‌ల ప్రభావం, మధ్యప్రాచ్యంలో నెలకొన్న ఉద్రిక్త పరిస్థితులు, డాలర్‌(Dollar) క్షీణత వంటి కారణాలతో అంతర్జాతీయంగా పసిడి, వెండి ధరల (Gold…

    Gold Price Today: మళ్లీ పెరిగిన బంగారం ధర.. కేజీ వెండి రేటెంతంటే?

    బంగారం ధరలు(Gold Rates) రోజురోజుకూ ఆకాశాన్ని తాకుతున్నాయి. హైదరాబాద్ బులియన్ మార్కెట్‌(Hyderabad Bullion Market)లో ఈ రోజు (ఆగస్టు 29) 24 క్యారెట్ల 10 గ్రాముల బంగారం ధర రూ.710 పెరిగి రూ.1,03,310కి చేరింది. అదే సమయంలో 22 క్యారెట్ల 10…

    Leave a Reply

    Your email address will not be published. Required fields are marked *