admin
Mana Enadu : ‘మిస్ శెట్టి మిస్టర్ పొలిశెట్టి’ తర్వాత టాలీవుడ్ యంగ్ సెన్సేషన్ నవీన్ పొలిశెట్టి (Naveen Polishetty) సితార ఎంటర్టైమెంట్స్ బ్యానర్ లో ‘అనగనగా ఒక రాజు’ (Anaganaga Oka Raju) సినిమా అనౌన్స్ చేశాడు. చాలా రోజుల క్రితం ఈ సినిమా నుంచి ఒక గ్లింప్స్ విడుదల చేశారు. ఆ తర్వాత నవీన్ కు రోడ్డు ప్రమాదం జరగడం వల్ల దీని గురించి ఏం అప్డేట్ రాలేదు. కానీ ఇటీవల ఆయన ప్రమాదం నుంచి రికవర్ అయ్యాడు. త్వరలోనే ఈ సినిమా షూటింగ్ కూడా షురూ కాబోతోంది. ఈ క్రమంలో మరో సాలిడ్ అప్డేట్ తో మేకర్స్ ప్రేక్షకులకు ఈ చిత్రం గురించి మరోసారి గుర్తు చేశారు.
రాజు గారి పెళ్లి సందడి టీజర్ ప్రోమో
‘అనగనగా ఒక రాజు’ మూవీ నుంచి మేకర్స్.. రాజు గారి పెళ్లి సందడి ప్రీ వెడ్డింగ్ టీజర్ (Anaganaga Oka Raju Teaser) పేరిట ఒక గ్లింప్స్ రిలీజ్ చేశారు. ఈ గ్లింప్స్ వీడియోలో రాజు గారి పెళ్లి భోజనాలు మొత్తం బంగారుమయమై కనిపించింది. టేబుల్ పైన బంగారు ప్లేట్లు, గ్లాసులు రాజు గారి పెళ్లంటే ఇలా ఉండాలి అన్నట్లుగా చూపించారు. అలా రాజు గారి ప్రీ వెడ్డింగ్ టీజర్ డిసెంబర్ 26వ తేదీన వస్తుందని ఈ టీజర్ ప్రోమో ద్వారా ప్రకటించారు. అయితే ఈ టీజర్ లో డైరెక్టర్ పేరు మాత్రం చెప్పకుండా సస్పెన్స్ క్రియేట్ చేశారు.
డైరెక్టర్ పేరు లేకుండా ప్రోమో
ఈ చిత్రాన్ని కళ్యాణ్ శంకర్ డైరెక్షన్ లో తెరకెక్కించాలని మొదట భావించారు. కానీ ప్రస్తుతం ఆయన ‘మ్యాడ్’ మూవీ సీక్వెల్ ‘మ్యాడ్ మ్యాక్స్ (MAD Max)’ షూటింగుతో బిజీగా ఉన్నాడు. మరి అనగనగరా ఒక రాజు సినిమాకు ఆయనే దర్శకత్వం వహించనున్నాడా లేక వేరే ఎవరైనా డైరెక్షన్ చేస్తున్నారో తెలియకుండా.. డైరెక్టర్ పేరు లేకుండానే టీజర్ రిలీజ్ చేశారు. ఇక ఈ టీజర్ లో నవీన్ పొలిశెట్టిన స్టార్ ఎంటర్టైనర్ అనే ట్యాగ్ లైన్ తో ప్రమోట్ చేశారు. ఇక ఈ సినిమాలో హీరోయిన్ ఎవరో కూడా ఇంకా ప్రకటించలేదు.
swarna boddula
Desk
