Desk
నితిన్ (Nithin) నటించిన కొత్త మూవీ ‘తమ్ముడు’ (Thammudu). పవన్ కల్యాణ్తో వకీల్ సాబ్ లాంటి హిట్ కొట్టిన దర్శకుడు వేణు శ్రీరామ్ (Venu Sriram) చాలా గ్యాప్ తర్వాత తెరకెక్కించిన మూవీ ఇది. జూలై 4న విడుదలైంది. అయితే ఈ మూవీ ఆయడియన్స్ను ఏమాత్రం ఆకట్టుకోనట్లు తెలుస్తోంది. ఈ విషయాన్ని మొదటిరోజు కలెక్షన్స్ ఏ చెప్తున్నాయి. మూవీ మొదటిరోజు కలెక్షన్స్ను సాక్నిక్ వెబ్సైట్ ప్రకటించింది. నితిన్ కెరీర్లోనే అత్యంత తక్కువ ఓపెనింగ్స్ తెచ్చుకున్న మూవీ తమ్ముడు అని పేర్కొంది. నితిన్ గత సినిమా ‘రాబిన్ హుడ్’ ఫస్ట్ డే రూ. 4.8 కోట్ల గ్రాస్ సాధించిగా.. తమ్ముడు ఆ కలెక్షన్స్ కూడా సాధించలేకపోయిందని తెలిపింది.
దిల్ రాజుకు దెబ్బమీద దెబ్బ
‘తమ్ముడు’ సినిమాను శ్రీ వెంకటేశ్వర క్రియేషన్స్ బ్యానర్పై దిల్ రాజు నిర్మించడంతో అభిమానుల్లో భారీ అంచనాలు పెరిగాయి. పలు ఫెయిల్యూర్స్ తర్వాత వస్తున్న ఈ ప్రాజెక్ట్పై నితిన్ సైతం గంపెడాశలు పెట్టుకున్నారు. అయితే ఈ మూవీ కూడా ప్రేక్షకులను ఆకట్టుకోలేకపోయింది. మొదటిరోజు కేవలం రూ. 4 కోట్ల గ్రాస్ మాత్రమే బాక్సాఫీస్ వద్ద సాధించినట్లు పలు వెబ్సైట్లు ప్రకటించాయి. అయితే, కలెక్షన్ల వివరాలు చిత్ర నిర్మాణ సంస్థ అధికారికంగా ప్రకటించలేదు. నితిన్ కెరీర్లోనే అత్యంత తక్కువ ఓపెనింగ్స్ సాధించిన చిత్రంగా తమ్ముడు నిలిచిందని సినీ వర్గాలు పేర్కొన్నాయి. ఈ ఏడాది ప్రారంభంలో గేమ్ ఛేంజర్ వల్ల భారీగా నష్టపోయిన దిల్ రాజు ఇప్పుడు మరోసారి భారీగా నష్టపోవడం తప్పదని తెలుస్తోంది. ఈ మూవీ కోసం ఆయన రూ.50 కోట్లకు పైగానే ఖర్చు చేశారని టాక్. కానీ కేవలం రూ.20 కోట్ల వరకు మాత్రమే మార్కెట్ చేసినట్లు సమాచారం.
#Thammudu gets outrightly rejected by audiences.https://t.co/UOAzOp3QzA
— TrackTollywood (@TrackTwood) July 5, 2025
admin
swarna boddula
