Desk
తెలంగాణలోని మహిళా అభివృద్ధి & శిశు సంక్షేమ శాఖ(development and welfare of women and children) పలు ఉద్యోగాల భర్తీకి నోటిఫికేషన్ విడుదలచేసింది చైల్డ్ వెల్ఫేర్ కమిటీలు (CWC), జువైనల్ జస్టిస్ బోర్డు (JJB)లలో ఖాళీగా ఉన్న 246 పోస్టులను ఈ నోటిఫికేషన్(Notification) ద్వారా భర్తీ చేయనున్నారు. అర్హత కలిగిన అభ్యర్థులు ఆన్ లైన్‌ విధానంలో అప్లై చేసుకోవచ్చు. కాగా చైల్డ్ వెల్ఫేర్ కమిటీ (CWC) ప్రతి జిల్లాలో ఒక CWC ఉంటుంది. హైదరాబాద్, రంగారెడ్డి, మేడ్చల్ మల్కాజిగిరి జిల్లాలకు అదనంగా ఒక్కో కమిటీని ఏర్పాటు చేశారు. కాగా ఇందులో మొత్తం 246 పోస్టులుండగా.. ఛైర్మన్ పోస్టులు 36, మెంబర్ పోస్టులు 144, సోషల్ వర్కర్ 66 పోస్టులతోపాటు ప్రతి జిల్లాకు ఒక బోర్డు ఉంటుంది. ఒక్కో బోర్డులో ఇద్దరు సోషల్ వర్కర్ పోస్టులు ఖాళీగా ఉన్నాయి.
అర్హతలు ఇవే..
ఈ పోస్టులకు అప్లై చేయాలనుకునే అభ్యర్థులు కనీసం బ్యాచిలర్స్ డిగ్రీ(Degree) లేదా పోస్ట్ గ్రాడ్యుయేట్(PG) పాసై ఉండాలి. అభ్యర్థులు సైకాలజీ, సైకియాట్రీ, లా, సోషల్ వర్క్, సోషియాలజీ, పబ్లిక్ హెల్త్, హ్యూమన్ హెల్త్, ఎడ్యుకేషన్, హ్యూమన్ డెవలప్‌మెంట్ లేదా స్పెషల్ ఎడ్యుకేషన్‌లలో ఐదైనా కోర్సు చేసి ఉండాలి. అంతే కాకుండా పాటుగా విద్య, ఆరోగ్యం, బాలల హక్కులు, మహిళా సంక్షేమం వంటి రంగాలలో కనీసం 7 సంవత్సరాల అనుభవం తప్పనిసరి. ఏదైనా ప్రైవేట్ స్వచ్ఛంద సంస్థ (NGO)లో పనిచేసిన అనుభవం కూడా పరిగణనలోకి తీసుకుంటారు. అభ్యర్థుల వయస్సు 35 నుంచి 65 సంవత్సరాల మధ్య ఉండాలి.
ఎంపిక ప్రక్రియ ఇలా..
అభ్యర్థులను స్క్రీనింగ్ టెస్ట్(Screening test), ఇంటర్వ్యూ(Interview) ఆధారంగా ఎంపిక చేస్తారు. జువైనల్ జస్టిస్ యాక్ట్, హిందూ మ్యారేజ్ యాక్ట్, హిందూ సక్సెషన్ యాక్ట్, బాలలకు సంబంధించిన ఇతర చట్టాలు, POCSO చట్టం వంటి అంశాలపై రాత పరీక్ష ఉంటుంది. ఇందులో అర్హత సాధించిన వారికి మాత్రమే ఇంటర్వ్యూ నిర్వహిస్తారు. ఇంటర్వ్యూ తర్వాత మెరిట్ లిస్ట్ ప్రకటిస్తారు. ఎంపికైన అభ్యర్థులకు నెలకు రూ. 40,000 జీతం లభిస్తుంది.
అప్లికేషన్ విధానం
అర్హత, ఆసక్తి ఉన్న అభ్యర్థులు అధికారిక వెబ్‌సైట్ http://wdcw.tg.nic.in ద్వారా ఆన్‌లైన్‌లో అప్లై చేసుకోవాల్సి ఉంటుంది. ఒక అభ్యర్థి గరిష్టంగా 5 జిల్లాలకు అప్లై చేసుకోవచ్చు. ఆగస్ట్ 8 అప్లికేషన్ చివరి తేదీ.
admin
swarna boddula
