War 2 Review & Rating: హృతిక్-ఎన్టీఆర్ యాక్షన్ థ్రిల్లర్ ఎలా ఉందంటే?

బాలీవుడ్ సూపర్‌స్టార్ హృతిక్ రోషన్(Hrithik Roshan), టాలీవుడ్ యంగ్ టైగర్ జూనియర్ ఎన్టీఆర్ (NTR)కలిసి నటించిన భారీ యాక్షన్ థ్రిల్లర్ ‘వార్ 2(Way2)’ ఈరోజు (ఆగస్టు 14) థియేటర్లలో విడుదలైంది. యశ్ రాజ్ ఫిల్మ్స్ స్పై యూనివర్స్‌లో భాగమైన ఈ చిత్రాన్ని అయాన్ ముఖర్జీ(Ayan Mukerji) డైరెక్ట్ చేశారు. కియారా అద్వానీ(Kiara Advani) హీరోయిన్‌గా, అశుతోష్ రాణా, అనిల్ కపూర్ కీలక పాత్రల్లో నటించారు. ఈ సినిమా ఎన్టీఆర్ బాలీవుడ్ డెబ్యూగా ప్రేక్షకుల్లో భారీ అంచనాలు రేకెత్తించింది.

కథ ఏంటంటే..

‘వార్ 2’ కథ మాజీ RAW ఏజెంట్ కబీర్ ధాలివాల్ (హృతిక్ రోషన్) చుట్టూ తిరుగుతుంది. దేశం కోసం పనిచేసిన కబీర్ రోగ్ ఏజెంట్‌గా మారి, అంతర్జాతీయ ఉగ్రవాద సంస్థ ‘కలి’తో చేతులు కలుపుతాడు. అతన్ని పట్టుకునేందుకు భారత ప్రభుత్వం స్పెషల్ యూనిట్ ఆఫీసర్ విక్రమ్ (NTR)ని రంగంలోకి దింపుతుంది. కబీర్‌కు, విక్రమ్‌కు మధ్య జరిగే మైండ్ గేమ్, హై-ఓక్టేన్ యాక్షన్ సన్నివేశాలు కథను ముందుకు నడిపిస్తాయి. కియారా అద్వానీ ఎయిర్‌ఫోర్స్ ఆఫీసర్ కావ్య లూథ్రాగా కనిపిస్తుంది. కబీర్ ఎందుకు దేశద్రోహిగా మారాడు? విక్రమ్ మిషన్ సక్సెస్ అవుతుందా? అనేది సినిమా సారాంశం.

ప్లస్ పాయింట్స్

హృతిక్, ఎన్టీఆర్ నటన సినిమాకు ప్రధాన ఆకర్షణ. ఇద్దరి ఎంట్రీ సీన్స్, యాక్షన్ సీక్వెన్స్‌లు థియేటర్లలో విజిల్స్ తెప్పిస్తాయి. ముఖ్యంగా ఇంటర్వెల్ ట్విస్ట్, ఎన్టీఆర్-హృతిక్ మధ్య డ్యాన్స్ ఫేస్-ఆఫ్ సాంగ్ ‘సలామే(Salaame Anali)’ హైలైట్‌గా నిలుస్తాయి. బెంజమిన్ జాస్పర్ సినిమాటోగ్రఫీ, యశ్ రాజ్ ఫిల్మ్స్ (Yash Raj films)నిర్మాణ విలువలు హాలీవుడ్ రేంజ్‌ను తలపిస్తాయి. సంచిత్, అంకిత్ బల్హారా బీజీఎం యాక్షన్ సన్నివేశాలకు బలం చేకూర్చింది.

మైనస్ పాయింట్స్

కథలో కొత్తదనం లోపించడం, రొటీన్ స్పై థ్రిల్లర్ టెంప్లేట్ సినిమాకు మైనస్. సెకండాఫ్‌లో పేసింగ్ నెమ్మదించడం, ఎమోషనల్ డెప్త్ లేకపోవడం, కొన్ని VFX సన్నివేశాలు కృత్రిమంగా అనిపించడం నిరాశపరిచాయి. కియారా పాత్రకు పెద్దగా స్కోప్ లేకపోవడం కూడా లోటు.

విశ్లేషణ

‘వార్ 2’ యాక్షన్ ప్రియులకు థ్రిల్‌ను అందిస్తుంది, కానీ కథ, స్క్రీన్‌ప్లేలో కొత్తదనం లేకపోవడం వల్ల ‘వార్’, ‘పఠాన్’ స్థాయిలో ఆకట్టుకోలేదు. ఎన్టీఆర్ బాలీవుడ్ ఎంట్రీ గ్రాండ్‌గా ఉన్నప్పటికీ, అతని పాత్రకు మరింత డెప్త్ ఉంటే బాగుండేది.

రేటింగ్: 3/5

Related Posts

Mahesh Babu | వారణాసి ఈవెంట్‌లో రాజమౌళి స్ట‌న్నింగ్ కామెంట్స్

Mahesh Babu | సూపర్ స్టార్ మహేశ్‌బాబు—దర్శకధీరుడు ఎస్‌ఎస్‌ రాజమౌళి కాంబినేషన్‌లో వస్తున్న అత్యంత భారీ యాక్షన్ అడ్వెంచర్ ఫిల్మ్ “వారణాసి” పై ఆసక్తి రోజురోజుకూ పెరుగుతోంది. గ్లోబ్ ట్రోటర్ ఈవెంట్‌లో విడుదలైన స్పెషల్ వీడియోకు ప్రేక్షకుల నుంచి అద్భుత స్పందన…

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

Leave a Reply

Your email address will not be published. Required fields are marked *