admin
రాష్ట్ర అసెంబ్లీ బడ్జెట్ సమావేశాలు (Telangana Assembly Session) ఇవాళ మూడో రోజు కొనసాగుతున్నాయి. గవర్నర్ ప్రసంగానికి ధన్యవాదాలు తెలిపే తీర్మానంపై జరుగుతున్న చర్చలో బీఆర్ఎస్, కాంగ్రెస్ సభ్యుల మధ్య వాడివేడి చర్చ జరుగుతోంది. ముఖ్యంగా గులాబీ పార్టీ ఎమ్మెల్యే పల్లా రాజేశ్వర్ రెడ్డి (Palla Rajeshwar Reddy), డిప్యూటీ సీఎం భట్టి విక్రమార్క మధ్య వాడివేడి వాగ్వాదం చోటుచేసుకుంది. గవర్నర్ ప్రసంగానికి దశ, దిశ లేదని పల్లా విమర్శించారు.
జర్నలిస్టులపైనా కేసులా?
శాసనసభలో పల్లా రాజేశ్వర్ రెడ్డి మాట్లాడుతూ.. కాంగ్రెస్ (Congress Guarantees) ఇచ్చిన హామీలను నెరవేర్చలేదని మండిపడ్డారు. కేవలం 10 శాతం హామీలను మాత్రమే అమలు చేస్తున్నారని.. కాంగ్రెస్ ప్రభుత్వం అహంకారపూరితంగా వ్యవహరిస్తోందని ధ్వజమెత్తారు. రాష్ట్రంలో జర్నలిస్టులపై కూడా కేసులు పెట్టారని ఆరోపించిన పల్లా.. కాంగ్రెస్ పాలనతో తెలంగాణ అస్తిత్వంపై దాడి జరుగుతోంద మండిపడ్డారు.
వాస్తవాలు తెలుసుకుని మాట్లాడాలి
ఇక పల్లా వ్యాఖ్యలపై డిప్యూటీ సీఎం భట్టి విక్రమార్క (Bhatti Vikramarka) తీవ్రంగా స్పందించారు. పల్లా వాస్తవాలు తెలుసుకుని మాట్లాడాలని హితవు పలికారు. వందేళ్ల చరిత్ర ఉన్న ఉస్మానియా వర్సిటీకి తొలిసారి దళిత వీసీని నియమించాం. విద్యాసంస్థలు నడుపుతున్న పల్లా రాజేశ్వరరెడ్డి సలహాలు ఇస్తారని ఆశించాం. విద్యాశాఖపై సమీక్షించడానికి సీఎం (CM Revanth Reddy)కు సమయం లేదని అనడం సరికాదు. మహిళా వర్సిటీని మీరు ఎప్పుడైనా వెళ్లి చూశారా? అని భట్టి విక్రమార్క పల్లాను ప్రశ్నించారు.
స్కూల్స్ ఎందుకు మూతపడ్డాయి?
ఇక భట్టి వ్యాఖ్యలపై పల్లా స్పందిస్తూ.. “2014-23 వరకు 30 మందికిపైగా వీసీలను నియమించింది కేసీఆర్‌ (KCR Govt) సర్కారే. కాంగ్రెస్ అధికారంలోకి రాగానే 1053 పాఠశాలలు ఎందుకు మూతపడ్డాయి..? 2 లక్షల మంది విద్యార్థులు ఎందుకు డ్రాప్‌అవుట్‌ అయ్యారు..? కేఆర్‌ఎంబీ.. చంద్రబాబు (Chandrababu Naidu) చెప్పినట్లే నడుస్తోంది. మన హక్కుగా రావాల్సిన వాటాపై సీఎం రేవంత్‌ రెడ్డి ఎందుకు పోరాటం చేయడం లేదు? హైదరాబాద్‌లో వాటర్‌ ట్యాంకర్లు ఎందుకు వస్తున్నాయి..?’’ అని పల్లా రాజేశ్వర్ రెడ్డి ప్రశ్నించారు.
Desk
swarna boddula
