బిగ్ బాస్ హౌస్‌లోకి పవన్ కళ్యాణ్..? క్రేజీ వార్త హల్‌చల్!

బిగ్ బాస్(Bigg Boss) తెలుగు(Telugu) సీజన్ 9కు కౌంట్‌డౌన్ ప్రారంభమైంది. ఇప్పటికే ప్రోమో విడుదల కాగా, సాధారణ ప్రేక్షకులకు కూడా ఈ షోలో పాల్గొనే అవకాశమిస్తూ నిర్వాహకులు ప్రకటన జారీ చేశారు. మళ్లీ ఈ సీజన్‌కు కూడా హోస్ట్‌గా అక్కినేని నాగార్జున(Akkineni Nagarjuna)నే కొనసాగించనున్నారు. ప్రతి సీజన్‌లో సెలబ్రిటీ కంటెస్టెంట్స్‌తో పాటు ప్రముఖ స్టార్లు కూడా వారంవారం హౌస్‌లోకి అడుగుపెడుతుంటారు. గతంలో ఎన్టీఆర్, మహేష్ బాబు, రామ్ చరణ్, చిరంజీవి, వెంకటేశ్ వంటి స్టార్ హీరోలు బిగ్ బాస్ వేదికను మెరిశారు.

అయితే ఇప్పటి వరకు బిగ్ బాస్ హౌస్‌(Bigg Boss House)లో కనిపించని స్టార్ ఎవరోంటే.. అది పవర్ స్టార్ పవన్ కళ్యాణ్(Pawan Kalyan). బిగ్ బాస్ సీజన్ 5 ఫినాలేకు అతిథిగా రావచ్చని అప్పట్లో వార్తలు వచ్చినా, చివరికి ఆయన హాజరుకాలేకపోయారు. అయితే ఇప్పుడు సీజన్ 9లో పవన్ కళ్యాణ్ గెస్ట్‌గా హాజరవుతారన్న ప్రచారం జోరుగా సాగుతోంది.

ఈ వార్తలకి వెనుక కారణం ఉంది. పవన్ కళ్యాణ్ నటించిన OG (They Call Him) చిత్రం సెప్టెంబర్ 25న విడుదల కాబోతుండటంతో, మూవీ ప్రమోషన్స్‌ కోసం బిగ్ బాస్ వేదికను ఎంచుకునే అవకాశం ఉందని టాక్. ఈ చిత్రానికి సుజిత్(Sujith Director) దర్శకత్వం, ప్రియాంక అరుల్ మోహన్ హీరోయిన్, బాలీవుడ్ యాక్టర్ ఇమ్రాన్ హష్మీ విలన్ పాత్రలో నటిస్తున్నారు. నిర్మాత DVV దానయ్యకి పవన్ ప్రమోషన్స్‌లో పాల్గొనడానికి అంగీకరించినట్టు సమాచారం. అందుకే బిగ్ బాస్ వేదికపై పవన్ మెరవనున్నారు అనే ఊహాగానాలు వెలువడుతున్నాయి.

అయితే అభిమానులు మాత్రం ఇందులో నిజమెంతో అనుమానంగా ఉన్నారు. పవన్ కళ్యాణ్ రాజకీయాల్లో బిజీగా ఉండటంతో, బిగ్ బాస్ షోకు వస్తారా లేదా అన్నది ప్రశ్నగా నిలుస్తోంది. దీంతో OG మూవీ ప్రమోషన్స్‌లో ప్రియాంక మోహన్, ఇమ్రాన్ హష్మీ, శ్రియా రెడ్డి, దర్శకుడు సుజిత్ పాల్గొనవచ్చని అంచనా వేస్తున్నారు. ఏదేమైనా పవన్ కళ్యాణ్ బిగ్ బాస్ వేదికపై కనిపిస్తే, ఆ ఎపిసోడ్ టీఆర్పీ రేటింగ్స్ చరిత్ర సృష్టించాల్సిందే!