సూపర్స్టార్ రజనీకాంత్(Rajinikanth) హీరోగా, లోకేష్ కనగరాజ్(Lokesh kanagaraj) దర్శకత్వంలో రూపొందిన కూలీ మూవీ ఆగస్టు 14, (గురువారం) ప్రపంచవ్యాప్తంగా గ్రాండ్గా ప్రేక్షకుల ముందుకు వచ్చింది. సన్ పిక్చర్స్ బ్యానర్పై కళానిధి మారన్ నిర్మించిన ఈ చిత్రాన్ని సుమారు రూ.350 కోట్ల భారీ బడ్జెట్తో తెరకెక్కించినట్లు టాక్ వినిపిస్తోంది.
ఈ సినిమాలో అక్కినేని నాగార్జున(Nagarjuna), ఆమిర్ ఖాన్(Ameer Khan), ఉపేంద్ర, సత్యరాజ్, సౌబిన్ షాహిర్, శ్రుతి హాసన్ వంటి ప్రముఖ నటులు కీలక పాత్రల్లో కనిపించడం సినిమాకు మంచి క్రేజ్ తీసుకువచ్చింది. ఇక అనిరుధ్ రవిచందర్ అందించిన సంగీతం ప్రత్యేక ఆకర్షణగా నిలిచి, చిత్రానికి మరింత హైప్ క్రియేట్ చేసింది.
ఇక ఓటీటీ విషయానికి వస్తే, ఈ సినిమా డిజిటల్ హక్కులను అమెజాన్ ప్రైమ్ వీడియో(amezon prime video) సొంతం చేసుకుంది. సుమారు రూ.120 కోట్ల భారీ మొత్తానికి ఈ హక్కులు విక్రయమైనట్లు సమాచారం. సాధారణంగా, థియేటర్లలో విడుదలైన ఎనిమిది వారాల తర్వాతే ఓటీటీలో రిలీజ్ అవ్వడం జరుగుతోంది. కాబట్టి ప్రస్తుత షెడ్యూల్ ప్రకారం కూలీ డిజిటల్ ప్రీమియర్ రెండు నెలల తర్వాత అందుబాటులోకి రావాల్సి ఉంటుంది. అయితే, థియేటర్లలో కలెక్షన్లు బలహీనంగా ఉంటే, ఓటీటీ విడుదలను ముందుకు జరిపే అవకాశమూ ఉందని తెలుస్తోంది.






