వార్ 2 కోసం ఎన్టీఆర్‌కు రికార్డ్ స్థాయి రెమ్యూనరేషన్..

టాలీవుడ్‌లో ఎన్టీఆర్(jr NTR) అంటేనే ఓ మాస్ బ్రాండ్. లెజెండరీ నటుడు నందమూరి తారక రామారావు వారసుడిగా సినీ రంగంలోకి వచ్చిన ఎన్టీఆర్, ప్రస్తుతం తెలుగు చిత్రసీమను పాన్ ఇండియా స్థాయికి తీసుకెళ్లే టాప్ స్టార్లలో ఒకడిగా నిలిచాడు. ఇటీవలే దేవర సినిమా ద్వారా విజయాన్ని సొంతం చేసుకున్న ఎన్టీఆర్, ఇప్పుడు రెండు బిగ్ బడ్జెట్ ప్రాజెక్ట్‌లతో బిజీగా ఉన్నాడు.

వాటిలో ఒకటి కేజీఎఫ్, సలార్ సినిమాలతో సెన్సేషన్ క్రియేట్ చేసిన దర్శకుడు ప్రశాంత్ నీల్(Prashanth Neel) తెరకెక్కిస్తున్న డ్రాగన్(Dragon) మూవీ. ఈ సినిమా షూటింగ్ కూడా ఇటీవలే మొదలైంది. మాస్ యాక్షన్ ఎంటర్‌టైనర్‌గా రూపొందుతున్న ఈ చిత్రం భారీ అంచనాల మధ్య తెరకెక్కుతోంది.

ఇక మరోవైపు, ఎన్టీఆర్(NTR), బాలీవుడ్ స్టార్ హీరో హృతిక్ రోషన్‌(Hrithik Roshan)తో కలిసి వార్ 2(War2) అనే భారీ యాక్షన్ డ్రామాలో నటిస్తున్నారు. అయాన్ ముఖర్జీ(Ayaan Mukarji) దర్శకత్వంలో రూపొందుతున్న ఈ సినిమా, హై బడ్జెట్‌తో అత్యంత ప్రతిష్టాత్మకంగా రూపొందుతోంది. రెండు ఇండస్ట్రీల నుంచి వచ్చిన టాప్ హీరోలు కలిసి నటిస్తున్న ఈ సినిమా పై ప్రేక్షకుల్లో ఆసక్తి పెరిగిపోతోంది.

ఇటీవల ఎన్టీఆర్ పుట్టినరోజు సందర్భంగా విడుదలైన వార్ 2 టీజర్‌లో ఆయన స్టైల్, యాక్షన్, స్క్రీన్ ప్రెజెన్స్ ప్రేక్షకులను విశేషంగా ఆకట్టుకున్నాయి. ఈ వీడియో చూసిన తర్వాత సినిమాపై అంచనాలు మరింతగా పెరిగాయి.

ఇక బాలీవుడ్ వర్గాల సమాచారం ప్రకారం ఎన్టీఆర్‌ ఈ సినిమాలో నటించేందుకు దాదాపు రూ.60 కోట్ల రెమ్యూనరేషన్(Remunaration) తీసుకున్నట్లు తెలుస్తోంది. ఒక సౌత్ స్టార్‌కు బాలీవుడ్‌లో తొలి సినిమాలోనే ఈ స్థాయి పారితోషికం ఇవ్వడం అంటే, ఆయనకు ఉన్న క్రేజ్ ఏంటో అర్థమవుతుంది.