adminవిక్టరీ వెంకటేశ్ (Venkatesh), అనిల్ రావిపూడి కాంబోలో రాబోతున్న లేటెస్ట్ మూవీ ‘సంక్రాంతికి వస్తున్నాం(Sankranthiki Vasthunnam)’. వీరిద్దరి కలయికలో ఇప్పటికే వచ్చిన ఎఫ్2, ఎఫ్3 చిత్రాలు బాక్సాఫీస్ వద్ద మంచి హిట్ కొట్టాయి. మరోసారి అదే ట్రెండ్ రిపీట్ చేసేందుకు వెంకీ-అనిల్ రెడీ అయ్యారు. వచ్చే సంక్రాంతి పండుగకు ఈ కాంబో థియేటర్లలో ఫన్ పంచేందుకు ముస్తాబవుతోంది. 2025 జనవరి 14వ తేదీన ఈ సినిమా రిలీజ్ కాబోతోంది. అయితే ఈ మూవీ నుంచి ఇటీవల రిలీజ్ అయిన ‘గోదారి గట్టు మీద రామచిలుక వే(Godari Gattu Lyrical Song)’ సాంగ్ యూట్యూబ్ను షేక్ చేస్తోంది.
రమణ గోగుల, మధుప్రియ వాయిస్ సూపర్
ఈ చిత్రానికి భీమ్స్ సిసిరోలియో సంగీతం అందిస్తున్నారు. ‘గోదారి గట్టు మీద రామ చిలకవే(Godari Gattu Lyrical Song)’ అంటూ సాగే ఈ పాటను చిత్రబృందం విడుదల చేసింది. ఒకప్పటి మ్యూజిక్ డైరెక్టర్, సింగర్ రమణ గోగుల (Ramana Gogula) ఈ పాటను ఆలపించారు. దాదాపు 18 ఏళ్ల తర్వాత ఆయణ్నుంచి ఈ పాట రావడంతో ఫ్యాన్స్ ఫుల్ ఖుష్ అవుతున్నారు. ప్రముఖ రచయిత భాస్కర భట్ల (Bhaskar Bhatla) ఈ పాటను రచించారు. ఈ సాంగ్ క్యాచీ లిరిక్స్ తో ప్రేక్షకులను ఆకట్టుకుంటోంది. రమణ గోగుల, ఫోక్ సింగర్ మధుప్రియ హస్కీ వాయిస్ ఈ పాటకు మరింత ఆకర్షణ తీసుకొచ్చింది. తాజాగా ఇప్పుడు ఈ సాంగ్ 6M+ వ్యూస్, 125K లైక్స్తో యూట్యూబ్లో టాప్ ట్రేండింగ్లో దూసుకుపోతోంది.
కీలక పాత్రల్లో సీనియర్ నటులు
కాగా ఈ మూవీలో ఇక ఈ సినిమా సంగతికి వస్తే.. ఈ చిత్రాన్ని శ్రీవేంకటేశ్వర క్రియేషన్స్ పతాకంపై అగ్ర నిర్మాత దిల్ రాజు నిర్మిస్తున్నారు. ఈ మూవీలో వెంకటేశ్ మాజీ పోలీసు అధికారిగా కనిపించనున్నట్లు సమాచారం. ఇందులో మీనాక్షి చౌదరి(Meenakshi Chaudhary), ఐశ్వర్య రాజేశ్ హీరోయిన్లుగా నటిస్తున్నారు. ఉపేంద్ర లిమాయే, రాజేంద్ర ప్రసాద్, సాయి కుమార్, నరేష్, VT గణేష్, మురళీధర్ గౌడ్ కీలక పాత్రలు పోషిస్తున్నారు.
swarna boddula
Desk
