Desk
కింగ్‌స్టన్‌(Kingston)లోని సబీనా పార్క్‌లో జరిగిన మూడో టెస్ట్‌లో ఆస్ట్రేలియా(Australia) జట్టు వెస్టిండీస్(West Indies)ను 176 పరుగుల తేడాతో ఓడించింది. దీంతో మూడు టెస్ట్‌ల సిరీస్‌ను 3-0తో స్వీప్ చేసింది. వెస్టిండీస్ రెండో ఇన్నింగ్స్‌లో కేవలం 27 పరుగులకే ఆలౌట్ అయింది. ఇది టెస్ట్ క్రికెట్ చరిత్రలో రెండో అత్యల్ప స్కోరు. 1955లో న్యూజిలాండ్ (26) తర్వాత ఇంత తక్కువ స్కోరుకు ఆలౌటైన జట్టుగా వెస్టిండీస్ నిలిచింది. ఆస్ట్రేలియా మొదటి ఇన్నింగ్స్‌లో 225 పరుగులు చేసింది. ఇందులో స్టీవ్ స్మిత్ (48), కామెరున్ గ్రీన్ (46) కీలక ఇన్నింగ్స్‌లు ఆడారు. వెస్టిండీస్ బౌలర్లలో షమర్ జోసెఫ్ 4-33, జస్టిన్ గ్రీవ్స్ 3-56తో రాణించారు.
West Indies have been bowled out for 27, the second-lowest total ever in Test cricket. This is the lowest Test total since 1955. #MitchellStarc bowled the best spell of his career, taking 6 wickets for 9 runs. He etched this win for Australia into the history books.#WIvAUS… pic.twitter.com/QgDs5IYyDL
— Tejan Shrivastava (@BeingTeJan) July 14, 2025
కాగా అంతకుముందు వెస్టిండీస్ తమ మొదటి ఇన్నింగ్స్‌లో 143 పరుగులకు ఆలౌట్ అయింది. స్కాట్ బోలాండ్ (3-34) ఆసీస్ బౌలింగ్‌ను నడిపించాడు. ఆస్ట్రేలియా(Australia) రెండో ఇన్నింగ్స్‌లో 121 పరుగులకు కుప్పకూలింది. అల్జారీ జోసెఫ్ (5-27), షమర్ జోసెఫ్ (4-34) అద్భుతంగా బౌలింగ్ చేశారు. దీంతో వెస్టిండీస్‌కు 204 పరుగుల విజయ లక్ష్యం నిర్దేశించింది. అయితే, వెస్టిండీస్ రెండో ఇన్నింగ్స్‌లో మిచెల్ స్టార్క్ (6-9) విధ్వంసక బౌలింగ్‌తో 14.3 ఓవర్లలో 27 పరుగులకే ఆలౌట్ అయింది.
స్టార్క్ 100వ టెస్ట్‌లో 15 బంతుల్లో 5 వికెట్లు
మిచెల్ స్టార్క్(Mitchell Starc) తన 100వ టెస్ట్‌లో 15 బంతుల్లో 5 వికెట్లు తీసి, టెస్ట్ చరిత్రలో అత్యంత వేగవంతమైన ఫైవ్-వికెట్ హాల్ సాధించాడు. స్కాట్ బోలాండ్(Scott Boland) హ్యాట్రిక్‌తో (3-2) సహకరించాడు. ఏడుగురు బ్యాట్స్‌మెన్ డకౌట్ అయ్యారు, మిచెల్ లూయిస్ (4) అత్యధిక స్కోరర్‌గా నిలిచాడు. ఈ ఘోర పరాజయంతో వెస్టిండీస్ బ్యాటింగ్ బలహీనతలు మరోసారి బయటపడ్డాయి. ఈ విజయంతో ఫ్రాంక్ వొరెల్ ట్రోఫీ(Frank Worrell Trophy)ని ఆస్ట్రేలియా నిలబెట్టుకుంది.
Mitchell Starc 3 Wickets in single over / 1st over of test match Inning 🔥🔥
Westindies is Over , time for retirement for Windies Cricket board #mitchellstarc pic.twitter.com/jq1TpUF6AC
— Shikhar Das (@bharat_sai59650) July 14, 2025
swarna boddula
