admin
Mana Enadu : శబరిమల (Sabarimala Temple) అయ్యప్ప భక్తులకు ట్రావెన్ కోర్ దేవస్థానం బోర్డు (Travancore Devaswom Board) తీపికబురు చెప్పారు. పులిమేడు, ఎరుమేలి అటవీ మార్గాల్లో కాలినడకన అయ్యప్ప స్వామి దర్శనానికి వెళ్లే భక్తులకు ప్రత్యేక ఏర్పాట్లు చేయనున్నట్లు బోర్డు అధ్యక్షుడు పీఎస్ ప్రశాంత్ తెలిపారు. ఫారెస్ట్ అధికారుల సాయంతో ఆ యాత్రికులకు ప్రత్యేక ట్యాగ్ను అందజేస్తామని వెల్లడించారు.
డైరెక్టగా సన్నిధానంలోకి ఎంట్రీ
“పంపా నుంచి స్వామి అయ్యప్పన్ రోడ్డు మీదుగా నీలిమల మార్గంలో యాత్రికులు (Ayyappa Devotees) సన్నిధానానికి చేరుకుంటారు. ఈ మార్గంలో వెళ్లే వారి కోసం బోర్డు ప్రత్యేక ఏర్పాట్లు చేస్తోంది. ఈ యాత్రికులకు ప్రత్యేక ట్యాగ్ లు అందజేస్తాం. ఈ ట్యాగ్ ఉన్న యాత్రికులు.. మరక్కూట్టం వద్ద శరంకుతి మార్గం నుంచి కాకుండా నేరుగా చంద్రానందన్ రోడ్డు ద్వారా సన్నిధానంలోకి వెళ్లొచ్చు.
ఆ రూట్ లో వచ్చే వారికి ప్రత్యేక ట్యాగ్
పులిమేడు, ఎరుమేలి మీదుగా నిర్దేశిత అటవీ మార్గాల ద్వారా వచ్చే భక్తులకు ప్రత్యేక ట్యాగ్లు ఇస్తాం. ఆలయం వద్ద ఉన్న ప్రత్యేక క్యూలో ఈ ట్యాగ్ను యూజ్ చేసుకోవచ్చు. అటవీ మార్గం గుండా అయ్యప్ప స్వామి దర్శనానికి వచ్చే భక్తులకు ప్రత్యేక ట్యాగ్ జారీ చేసే బాధ్యత మాత్రం అటవీ శాఖదే” అని ట్రావెన్కోర్ దేవస్థానం బోర్డు అధ్యక్షుడు పీఎస్ ప్రశాంత్ వెల్లడించారు.
రోజుకు లక్షకు పైగా భక్తులు
దక్షిణ భారతదేశంలోని అతిపెద్ద పుణ్యక్షేత్రాల్లో ఒకటి కేరళలోని శబరిమల అయ్యప్ప దేవాలయం (Sabarimala Temple News). దేశ వ్యాప్తంగా ఈ ఆలయానికి భక్తులు తరలివస్తుంటారు. మండల పూజలు, మకరజ్యోతి సమయంలో లక్షలాది మంది భక్తులు ఇక్కడికి పోటెత్తుతారు. ఆ సమయాల్లో రోజుకు 1,20,000 మందికి పైగా భక్తులు శబరిమలకు చేరుకుంటారని అధికారులు అంచనా వేశారు. మండల పూజలు సందర్భంగా నవంబర్ 16వ తేదీన తెరుచుకున్న అయ్యప్ప ఆలయం, మకరజ్యోతి తర్వాత మూసివేస్తారన్న విషయం తెలిసిందే.
Desk
swarna boddula
