Ashwin: అల్విదా అశ్విన్​.. క్రికెట్​కు వీడ్కోలు పలికిన స్పిన్​ లెజెండ్​

భారత లెజండరీ స్పిన్నర్​ రవిచంద్రన్ అశ్విన్ (Ashwin) అంతర్జాతీయ క్రికెట్‌కు వీడ్కోలు పలికాడు. ఆస్ట్రేలియాతో మూడో టెస్టు (AUS vs IND) ముగిసిన అనంతరం ప్రెస్ కాన్ఫరెన్స్‌లో అశ్విన్‌ తన రిటైర్మెంట్​ ప్రకటన చేశాడు. అశ్విన్​ (Ravichandran Ashwin) మాట్లాడుతూ.. ‘భారత క్రికెటర్‌గా ఇదే నా చివరి రోజు. అన్ని ఫార్మాట్లకు వీడ్కోలు పలుకుతున్నా. క్రికెటర్‌గా నాలో ఇంకాస్త ఆట ఉందని అనుకుంటున్నా. తప్పకుండా క్లబ్‌ క్రికెట్‌లో ఆడతా. అయితే, అంతర్జాతీయ క్రికెటర్‌గా ఇదే నా చివరి రోజు. ఎన్నో అనుభవాలను అందించిన సహచర క్రికెటర్లకు థాంక్యూ’ అని అన్నారు.

భావోద్యోగం
ఈ సందర్భంగా ఎంతో మందిని గుర్తు చేసుకోవాలన్న అశ్విన్​.. ముఖ్యంగా బీసీసీఐ ధన్యవాదాలు తెలిపాడు. సహచరులకు థాంక్యూ చెబుతూ.. రోహిత్, విరాట్, అజింక్య, పుజారా ఈ జాబితాలో తప్పక ఉంటారని అన్నాడు. ‘ఆస్ట్రేలియన్ క్రికెట్‌కూ ధన్యవాదాలు. నాకు మంచి పోటీ ఇచ్చిన క్రికెట్ జట్టు. నాకు ఇవి భావోద్వేగానికి గురయ్యే క్షణాలు’’ అంటూ అశ్విన్ అన్నాడు.

స్వదేశానికి రానున్న అశ్విన్​
ఈ సందర్భంగా ప్రెస్​కాన్ఫరెన్స్​లో కెప్టెన్​ రోహిత్​ శర్మ (Rohit sharma) మాట్లాడుతూ.. అంతర్జాతీయ క్రికెట్‌కు రిటైర్మెంట్‌ ప్రకకటించిన అశ్విన్‌ నిర్ణయాన్ని గౌరవిస్తున్నామన్నాడు. మిగిలిన రెండు టెస్టులో అతడు ఆడడని గురువారం భారత్‌కు రానున్నాడని తెలిపాడు.

765 వికెట్లు
టీమ్‌ఇండియా తరఫున 106 టెస్టులు ఆడిన అశ్విన్​ 537 వికెట్లు పడగొట్టాడు. టెస్టు క్రికెట్​ చరిత్రలో అత్యధిక వికెట్లు తీసిన జాబితాలో ఏడో స్థానంలో నిలిచాడు. భారత్​ తరపున టెస్ట్ క్రికెట్లో అతి వేగంగా 50, 100, 150 వికెట్లు సాధించిన ఆటగాడిగా గుర్తింపు పొందాడు. 116 వన్డేల్లో 156 వికెట్లు, 65 టీ20ల్లో 72 వికెట్లు తీశాడు. ఓవరాల్‌గా 765 వికెట్లు పడగొట్టాడు.

ఇవీ బ్యాటింగ్​ గణాంకాలు
అదేవిధంగా బ్యాట్స్‌మెన్‌గానూ అశ్విన్ తనదైన ముద్ర వేశాడు. టెస్ట్ క్రికెట్‌లో 3503 పరుగులు చేసి రికార్డు సాధించాడు. 6 సెంచరీలు ఉన్నాయి. ఫస్ట్ క్లాస్ క్రికెట్‌లో మొత్తం 8 సెంచరీలు చేశాడు. అన్ని ఫార్మాట్లలో కలిపి మొత్తం 4,400 పరుగులు సాధించాడు.

𝙏𝙝𝙖𝙣𝙠 𝙔𝙤𝙪 𝘼𝙨𝙝𝙬𝙞𝙣 🫡

A name synonymous with mastery, wizardry, brilliance, and innovation 👏👏

The ace spinner and #TeamIndia's invaluable all-rounder announces his retirement from international cricket.

Congratulations on a legendary career, @ashwinravi99 ❤️ pic.twitter.com/swSwcP3QXA

— BCCI (@BCCI) December 18, 2024