admin
టాలీవుడ్(Tollywood)లో మోస్ట్‌ బిజీ హీరోయిన్‌గా సినిమాలు చేస్తున్న శ్రీలీల(Srileela) ఇటీవలే కోలీవుడ్‌(Kollywood) సినిమాల్లోనూ అవకాశాలు దక్కించుకుంది. ఈ మధ్య కాలంలో శ్రీలీల జోరు మామూలుగా లేదు. అల్లు అర్జున్(Allu Arjun)తో కలిసి పుష్ప-2లో వేసిన “కిస్సిక్ డాన్స్‌”తో ఫ్యాన్స్ ఫిదా అయ్యారు. ఆకట్టుకునే అందంతో పాటు మంచి డాన్సర్‌(Dancer)గా ఈ అమ్మడికి మంచి గుర్తింపు దక్కడంతో మరిన్ని సినిమాల్లో ఆఫర్లు(Offers) వస్తున్నాయి. అన్ని భాషల సినిమా ఇండస్ట్రీలో ఈ అమ్మడు చేస్తున్న సినిమాల సంఖ్య చాలా ఉన్నాయి. తాజాగా బాలీవుడ్(Bollywood)లోనూ ఈ అమ్మడు అడుగు పెట్టేందుకు రెడీ అయింది.
బాలీవుడ్‌లో అవకాశం కోసం ఎదురుచూపులు
బాలీవుడ్ యంగ్‌ హీరో కార్తీక్ ఆర్యన్‌(Karthik Aryan) హీరోగా రూపొందబోతున్న ఒక సినిమాలో శ్రీలీలను ఎంపిక చేశారనే వార్తలు వస్తున్నాయి. మొదట ఆ పాత్రకు యానిమల్ బ్యూటీ త్రిప్తి దిమ్రీ(Tripti Dimri)ని ఎంపిక చేశారు. కానీ ఆ పాత్రలో త్రిప్తి కంటే శ్రీలీల అయితే బాగుంటుంది అనే ఉద్దేశంతో మేకర్స్‌ ఈ నిర్ణయానికి వచ్చారు అంటూ హిందీ సినీ వర్గాల ద్వారా సమాచారం అందుతోంది. టాలీవుడ్‌లో వరుసగా సినిమాలు చేస్తున్న ఎంతో మంది హీరోయిన్స్ బాలీవుడ్‌లో ఒక్క అవకాశం అంటూ ఎదురు చూస్తూ ఉంటారు. అలాంటిది శ్రీలీల వెయిట్‌ చేయకుండానే బాలీవుడ్‌లో నటించే అవకాశం దక్కింది.
రెమ్యునరేషన్‌పై ఆసక్తికర ప్రచారం
శ్రీలీల బాలీవుడ్‌లో మొదటి సారి నటించబోతున్న నేపథ్యంలో ఆమె రెమ్యునరేషన్(Remuneration) గురించి ఆసక్తికర ప్రచారం జరుగుతోంది. పుష్ప-2 సినిమాలో కిస్సిక్ సాంగ్‌ను చేసేందుకు గాను శ్రీలీల ఏకంగా రూ.2 కోట్ల పారితోషికం తీసుకుంది. అలాంటిది బాలీవుడ్‌లో సినిమాకు రూ.4 కోట్లు అందుకుంటూ ఉంటుందని అంతా భావిస్తున్నారు. కానీ విశ్వసనీయంగా అందుతున్న సమాచారం ప్రకారం శ్రీలీల తన మొదటి హిందీ సినిమాకు గాను కేవలం రూ.1.75 కోట్లను మాత్రమే పారితోషికంగా అందుకుంటుందట. మొదటి హిందీ సినిమా కావడంతో ఈ అమ్మడికి తక్కువ ఇస్తున్నారని టాక్‌.
Desk
swarna boddula
